بنگەهێ لالش تايێ باعەدرێ 126 ساليا رۆژنامەگەریا کوردی ساخکر
تۆڕا لالش:
ب هەلکەفتا دەربازبوونا 126 سالان ل سەر دەرچوونا ئێکەم رۆژنامەیا کوردی ل ژێر ناڤێ کوردستان،بنگەهێ لالش تایێ باعەدرێ ل رۆژا دووشەمبوویێ 22/4/2024،سمینارەک بۆ رۆژنامەڤان و نڤیسەر و ڤەکۆلەر “حەجی جەعفەر” ل دۆر (ڕۆلێ رۆژنامەگەریا کوردی د پێشێخستنا بزاڤا ڕەوشەنبیريا کوردی دا) ل هۆلا ئامادەیا باعەدرێ یا تێکەل ڕێکخست.
ڕێورەسمێن چالاکیێ ب ئامادەبوونا ڕێڤەبەرێ ناحیا باعەدرێ “ڕێزان میرزا بەگ” و هه‌ژمارەکا ڕێڤەبەر و نوونەرێن دام و دەزگەهێن حکومی و سەرپەرشتیارێ پەروەردێ و مێهڤانێن ژدەرڤە و مامۆستا و قوتابیان و شاندێ دگەل نڤیسەری ب ڕێڤەچوو.
پشتی چەندەکێ ڕاوەستیان وەک ڕێزگرتن بۆ شەهیدێن بزاڤا ڕزگاریخوازا کوردی سەرکێشێ وان بارزانیێ نەمر،بەرپرسێ بنگەهێ لالش تایێ باعەدرێ” خه‌لات باعەدری” بخێرهاتنا تەڤایا ئامادەبوویان کر و کورتیەک ل دۆر ژیانناما سمیناربێژی بۆ ئامادەبوویان ڕۆنکر.
لدووڤ دا سمیناربێژی ڕۆناهی ئێخستە سەر دەرچوونا ئێکەم ڕۆژنامەیا کوردی ل 22ی نیسانا 1898ێ و ئەگەر و پالدەرێن و پێدڤی وی چاخی دا خویاکرن، هەروەسا تەکەز ل سەر چەندین خال و بابەتێن بالکێش و گرنگ ل ڕۆلێ ڕۆژنامەیا کوردی و کاریگەریا وێ ل سەر خورت بوون و پێشڤەچوونا بزاڤا ڕەوشەنبیريا کوردی ئینا زمان.
پاشی دەرگەهێ دانوستاندنێ دناڤبەرا سمیناربێژی و ئامادەبوویان ب چەندین پرسیار و ڕۆنکرن ل دۆر بابەتی دروست بوو و ئەڤ چالاکییە پتر هاتە زەنگینکرن ومفادارکرن.
د تەوه‌رەکێ دیتر دا قەڵغانێ ڕێزلێنانێ ژلایێ بنگەهێ لالش باعەدرێ ڤە ب نڤیسەری هاتە پەخشین هەمبەر کاروانەکی درێژ دخزمەتا چاندا کوردی دا.
تُتاح هذه الصورة أيضا في: کوردی
