37 قوتابيێن سه‌ركه‌فتى هاتنه خه‌لاتكرن
تۆڕا لالش:
ئيرۆ چارشه‌مبوويێ،نڤيسينگه‌ها لالش گرعزێر قوتابيێن سه‌ركه‌فتيێن ئێكێ و دووێ و سيێێ ل قوتابخانا باعه‌درێ يا بنه‌ره‌ت يا ئاواره‌يان خه‌لاتكرن،ب هه‌لكه‌فتا ڕاگه‌هاندنا ئه‌نجامێن نيڤا سالێ يێن خووندنا عه‌ره‌بى.
بڤێ هه‌لكه‌فتێ “شكرى لاسو” ڕێڤه‌به‌رێ قوتابخانا باعه‌درێ يا بنه‌ره‌ت يا خووندنا عه‌ره‌بى دپه‌يڤه‌كێ دا پيرۆزباهى ل قوتابيان كر و هاندان به‌رده‌وام بن و گرنگيێ ب خووندنا خۆ بده‌ن كو پێشه‌رۆژه‌كا گه‌ش هه‌بت.
لدووڤدا 37قوتابيێن سه‌ركه‌فتيێن ئێكێ و دووێ و سيێێ ل قوتابخانا باعه‌درێ يا بنه‌ره‌ت ب ڕێزلێنانێ هاتنه خه‌لاتكرن.
ڕێڤه‌به‌رێ قوتابخانا ناڤبرى سوپاسيا نڤيسينگه‌ها لالش كر بۆ ڤێ ده‌ستپێشخه‌رى و پشته‌ڤانيێ بۆ قوتابيان.
تُتاح هذه الصورة أيضا في: کوردی
