پێنج شهما ڕهوشهنبيرى ..گرنگيا ئێكگۆتاريا ئاينى يا ئێزديان هاته گهنگهشهكرن
تۆڕا لالش/دهۆك
ل ئێڤاريا ڕۆژا پێنج شهمبوويێ 29ى شوباتێ 2024،دبهردهواميا ل دارخستنا پێنج شهما ڕهوشهنبيرى دا دانوستاندنهكا ڤهكرى ل دۆر(گرنگيا ئێكگۆتاريا ئاينى يا ئێزديان)بۆ نڤيسهر “عزهدين سهليم باقهسرى” هاته ڕێكخستن.
وهك ڕێزگرتن ل سهر گيانێ پاكێ جانگۆريێن كوردستانێ سهروهرێ وان بارزانيێ نهمر و كاك ئهدريسێ جوانه مهرگ ئامادهبوويى خۆلهكهكێ سهكنين،ل دووڤدا ب ئامادهبوونا ڕێزدار”سهعيد جردۆ” سهرۆكێ دهستهيا بلندا بنگههێ لالش و ئهندامێن دهستهيێ وكۆمهكا كهسايهتى و ڕەوشەنبیر و نڤیسەران،پێنج شهما ڕهوشهنبيرى كو ئهڤ جاره دانوستاندنهكا ڤهكرى بوو ل دۆر(گرنگيا ئێكگۆتاريا ئاينى يا ئێزديان) ب ڕێڤهچوو.
نڤيسهرعزهدين سهليم باقهسرى باڵكشانده سهر کەڤناتییا ديرۆكا ئێزدیان،كو قەولێ ئافراندنا کنیاتێ فەلسەفا چێبوونا دنیاییێ ژلایێ ئێزدیان(ئێزدیاتیێ)ڤە دیاردکەت و باس ل قەدەم گوهاستن و ڕۆژا ئاخرەتێ د فەلسەفا ئێزدیاتیێ دا و کەسایەتییا شیخادی كو دگۆتنە کوردا، کوردێن شەمسانی واتە کوردێن ڕۆژپەرێس كر،پاشان شلۆڤهيهك دا سهر شەنگستێ نەژادێ بیروباوەران.
باقهسرى ب پێتڤى زانى و ژ بنگەهێ لالش خواست خۆ ل ڤی بابەتی بکەتە خودان تێگههێ ئێزدیاتییا دروست بدەتە دیارکرن و ئهم زێدەتر خۆ ل ئاینێ خۆ شارهزا بکەین و ب ئەکادیمی وەرگرین و ديرۆكا خۆ ئهرشیف بکەین.
ناڤبرى گۆت ژى فەرە هەموو نڤیسەرێن ئێزدی ڕۆلەکێ مەزن بگێرن د نڤیسینیا فەلسەفا ئێزدیاتیێ و دیرۆکا ئێزدیان دا.
دلايهكێ دى دا سهرۆكێ بنگههێ لالش دیارکر؛پێتڤییە ب هزرا خۆ و ب ئەکادیمی سهرهدهرى بێتە کرن، داکو فەلسەفا ڕاستەقینەیا ئێزدیان و دیرۆکا ئێزدیان باشتر ئانکو ب زانستیانە بێتە نڤیساندن و شلۆڤەکرن بۆ هندێ جیهان باشتر ئاشنایی دیرۆك و فەلسەفا مەببت.
پاشان دانوستاندنەکا ب تێر و تەسەڵ و گەنگەشەکا پر ب مفا دناڤبەرا ئامادەبوویان دا پەیدابوو،بەرسڤا تێبینی و پرسیارێن ئامادەبوویان ژلایێ نڤيسهرى ڤه هاتنە دان.
تێ زانین،پێنج شەمبا ڕەوشەنبیری ژلایێ پشکا ڕەوشەنبیرى ل دەستەیا بلندا بنگههێ لالش ڤه دئێتە ب ڕێڤەبرن.
تُتاح هذه الصورة أيضا في: کوردی
