50% خانیێن وهلاتیان ل گوندێ حهردان وێرانبووينه
باسنيوز:
موختارێ گوندێ حهردان ل شنگالێ دیاركر، ب ئهگهرێ هێرشا تیرۆرستێن داعش بۆ سهر شنگال ل رۆژا 3/8/2014ێ ههتا نوكه 50% خانیێن وهلاتیان ل گوندێ حهردان یێن هاتینه خرابكرن و وێران بوونه و هێشتا بهغدا چوو ههڤكاریا خهلكى زهرەرمهند نهكریه”.
حهسهن قاسم، موختارێ گوندێ حهردان ل شنگال بۆ (باسنیوز) راگههاند، خهلكێ گوندێ حهردان خۆ بهرههڤ دكهن بۆ زڤرینا سهر مالێن خۆ نوكه خهلك چاڤهرێنه قوتابخانە دوماهیك بهێن و خهلك ڤهگهریت و ئێدى خهلك خۆ ل هێڤیا قهرهبووكرنێ ناگرن ژبهركۆ ئهڤه 10 سالن خهلك ئاوارهیە و هێشتا حكومهتا عێراقێ چوو بهرنامه و پلانێن روهن وئاشكرا نینن بۆ زڤرینا ئاواران”.
خویا كر، بهری سالا 2014ێ ههتا 300 خێزانان ل گوندێ حهردان ژیان دکر لێ نوكه گهلهك كێم خەلک ڤهگهریانه ژبهركۆ خانیێن خهلكی خرابووینه و چوو ههڤكاریا خهلكی نههاتیه كرن، ههتا نوكه بەغدا روفاتێن ههمى قوربانیان ئاشكرا نهكرینه”.
تُتاح هذه الصورة أيضا في: کوردی
