شوبات 27, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

مه‌حما خه‌ليل:”پێدڤیه‌ حكومه‌تا عێراقێ ڕێككه‌فتنا شنگالێ بجهبينت”

مه‌حما خه‌ليل:”پێدڤیه‌ حكومه‌تا عێراقێ ڕێككه‌فتنا شنگالێ بجهبينت”

باسنيوز:

بریارا گرتنا ده‌رگه‌هێن هه‌مى كه‌مپێن ئاواران ژلایێ حكومه‌تا عێراقێ ڤه‌ هاتیه‌دان ئه‌ڤ سالا ل هه‌یڤا شه‌ش بریارە كه‌مپ بهێنه‌ دائێخستن وئاواره‌ ڤه‌گه‌رنه‌ سه‌ر جهو و مالێن خۆ.

مه‌حما خه‌لیل، ئه‌ندامێ جڤاتا نوونه‌رێن عێراقێ بۆ (باسنیوز) راگه‌هاند، دگه‌ل دائێخستنا كه‌مپێن ئاواران پێدڤیه‌ وه‌زاره‌تا كۆچ وكۆچبه‌ران ل عێراقێ بهێته‌ هه‌لوه‌شاندن ل شوونا وه‌زاره‌تا كۆچ و كۆچبه‌ران ده‌سته‌یا كۆچ وكوچبه‌را ن بهێـته‌ پێك ئێنان وپسیارا چاره‌نڤیس و ره‌وشا خه‌لكێ عێراقێ بكه‌ت یێن كۆچبه‌رى ده‌وله‌تان بووین هه‌روه‌سا ژى خه‌لكێ زه‌رمه‌ند هه‌مى بهێـته‌ قه‌ره‌بوو كرن و ئاڤه‌دانیێ ل شنگالێ ده‌ست پێ بكه‌ت و ره‌وشا شنگالێ خۆش بیت هه‌مى گرۆپێن نه‌شه‌رعیى ژناڤ شنگالێ بهێنه‌ ده‌رئێخستن وپرۆژه‌ ل شنگال بهێنه‌ بجهئێنان”.

ئاشكرا كر، ل شنگالێ هژماره‌كا زۆرا خانیێن وه‌لاتیان خرابووینه‌ پێدڤیه‌ هه‌ڤكاریا خه‌لكێ بهێته‌ كرن هه‌تا بشێن ڤه‌گه‌رن مه‌ ژى دڤیت ئاواره‌ ڤه‌گه‌رن هه‌كه‌ ره‌وشا شنگالێ باش بیت مه‌ترسیێ ل سه‌ر ژیانا خه‌لكێ نه‌مینت و ته‌ناهیى هه‌بیت”.

مه‌حما خه‌لیل، گۆتژى: به‌رێ حكومه‌تا عێراقێ بریارا دائێخستنا كه‌مپێن ئاواران ئه‌ڤ سالەدا بده‌ت رێكه‌فتنه‌ك دگه‌ل حكومه‌تا عێراقێ هاتبوو كرن ب سه‌رپه‌رشتیا نه‌ته‌وه‌یێن ئێگكرتى ئه‌ڤ ریكه‌فتنە كلیلا چاره‌سه‌ریا ره‌وشا شنگالێ بوو مه‌ رێز بۆ بریارێت به‌غدا هه‌یه‌ لێ پێدڤیه‌ حكومه‌تا عێراقێ رێكه‌فتنا شنگالێ جێبەجێ بکەت “.

ته‌كه‌ز كر، وه‌زاره‌تا كۆچ وكۆچبه‌رێن عێراقێ گوژمێ 180 ملیار دیناران وه‌رگرتینه‌ پتریا وى پارەی د به‌رژوه‌ندیا سیاسى هاتیه‌ مه‌زاختن ئه‌م دخوازن وه‌زاره‌تا كۆچ وكۆچبه‌ران نه‌مینت و ده‌سته‌یا كۆچ و كۆچبه‌ران بۆ دوڤچوونا خه‌لكێ عێراقێ ژده‌رڤه‌ى وه‌لاتى بهێته‌ پێكئێنان پتر سێ هه‌تا چوار ملیۆن كه‌سێن عێراقى ژده‌رڤه‌ى وه‌لاتى هه‌نه‌ ئه‌و ژى خه‌لكێ عێراقێ نه‌ وه‌سا چاڤه‌ریا 30 هزار كه‌سێن عێراقی ژ ده‌وله‌تێن ئەوروپى ڤه‌گه‌رنه‌ عێراقێ مافێن خه‌لكی د به‌رزه‌نه‌ د ده‌ستێن وه‌زاره‌تا كۆچ وكۆچبه‌رین عێراقێ دا”.

مه‌حما خه‌لیل، راگه‌هاند، خه‌لكێ شنگالێ دڤیت ڤه‌گه‌رن لێ خه‌لك ژبه‌ر نه‌بوونا خزمه‌تگوزاریان و خرابیا ره‌شا شنگالێ نه‌شێن ڤه‌گه‌رن پێدڤیه‌ هه‌ڤكاریا خه‌لكێ بهێته‌ كرن هه‌تا ئاواره‌ بشێن ڤه‌گه‌رن ئه‌ركه‌كه‌ ل سه‌ر حكومه‌تا عێراقێ ئاواران ڤه‌گه‌رینت لێ ده‌ستپێكى پێدڤیه‌ ره‌وشا شنگالێ خۆش كه‌ت هه‌تا نوكه‌ به‌غدا خه‌لكێ شنگالێ قه‌ره‌بوو نه‌كریه‌ ئه‌ڤه‌ به‌لگه‌یه‌ خه‌لكه‌ك ناهێنه‌ قه‌ره‌بووكرن داكو ناڤه‌گه‌رنه‌ شنگالێ گه‌له‌ك گه‌نده‌لیێ و روتین دوسیه‌یا قه‌ره‌بوویا خه‌لكێ دا هه‌یه‌ ئه‌م دێ ل سه‌ر ڤێ دوسیه‌یێ كاردكه‌ین ناهێلن زێده‌گاڤى ل سه‌ر مافێ خه‌لكێ شنگالێ بهێته‌ كرن”.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi