خۆلەکا فێربوونا ئامیرێن مۆزیکێ بۆ هه‌ژماره‌كا کوڕ و کچان هاته ڤەکرن
تۆڕا لالش:
ب مەرەما پوتەدان ب شیان و بەهرەیا گەنجان و خۆ نێزیکرن ل ڤێ تەخا گرنگ یا جڤاکی،ئیرۆ رۆژا چارشەمبوویێ 27ى كانوونا ئێكێ 2023ێ،بنگەهێ لالش تایێ باعەدرێ خۆلەکا فێربوونا ئامیرێن موزیکێ بۆ هه‌ژمارەکا کچ و کوڕان ل سەنتەرێ ناحیا باعەدرێ ڤەکر.
ب ئامادەبوونا “نجیم ئه‌لياس” بەرپرسێ لیژنا ناوچا باعەدرێ یا (PDK) و بەرپرسێ بنگەهێ لالش و ئەندامێن دەستەکا ڕێڤەبەر و ژمارەکا پشکداربوویان ڕێورەسمێن خۆلا ناڤهاتی ب ڕێڤەچوون.
د ڕێورەسمان دا “خه‌لات باعه‌درى” بەرپرسێ بنگەهێ لالش باعەدرێ بخێرهاتنا تەڤایا ئامادەبوویان کر و گرنگیا ڤان جۆرە خۆلان ئینا زمان و تەکەز کر کو بنگەهێ لالش هەردەم پشتەڤان و پالپشتە بۆ تەخا گەنجان و داخوازا سەرکەفتنێ بۆ پشکداربوویان خواست.
خۆلا ناڤبرى بۆ دەمێ چەند ڕۆژان دێ يا بەردەوام بت و ل سەر چەند ئامیرێن جودا جودا یێن مۆزیکێ و ژلایێ هۆنەرمەندێ گەنج “دلگه‌ش حازم” ڤە وانەیێن خۆلێ دێ ئێنە شرۆڤەکرن و گۆتن.
تُتاح هذه الصورة أيضا في: کوردی
