بنگه‌هێ لالش په‌نه‌له‌ك ل دۆر (تێكستێن پيرۆزێن ئێزديان) سازكر
تۆڕا لالش/دهۆك
ب هه‌لكه‌فتا هاتنا ڕۆژيێن ئێزى،ئيرۆ پێنج شه‌مبوويێ 7ى كانونا ئێكێ 2023ێ،ل هۆلا شێخ شامۆ بنگه‌هێ لالش يێ ڕه‌وشه‌نبيرى و كۆمه‌ڵايه‌تى په‌نه‌له‌ك ل دۆر تێكستێن پيرۆزێن ئێزديان ل ژێر ناڤێ(تێكستێن پيرۆزێن ئێزديان ..مێژوو و پاشه‌رۆژ)، ب ئاماده‌بوونا هه‌ژماره‌كا كه‌سايه‌تى و مامۆستا و ڕه‌وشه‌نبيران سازكر.
ل به‌راهيێ ئاماده‌بوويى خۆله‌كه‌كێ سه‌كنين وه‌كو ڕێزگرتن ل سه‌ر گيانێ جانگۆريێن كوردستانێ سه‌روه‌رێ وان بارزانيێ نه‌مر و كاك ئدريسێ جوانه‌مه‌رگ،لدووڤدا ڕێزدار “سه‌عيد جردۆ” سه‌رۆكێ ده‌سته‌يا بلندا بنگه‌هێ لالش دپه‌يڤه‌كێ دا بخێرهاتنا ئاماده‌بوويان كر و دياركر كو د بەردەوامیا بزاڤا ڕەوشەنبیری یا بنگه‌هێ لالش دا،مە ئەڤ مێزگەردە سازکریە.
پاش به‌رنامێ په‌نه‌لان ده‌ستپێكرن و ل پێشيێ مامۆستا “شەمۆ قاسم”بەحسێ مێژوویا تێکستێن دینی و گرنگییا فەلسەیا ئێزدیاتيێ کر و دیارکر ئێزدیاتی یا دابەشکریە ل سەر چار ئەرکان ئەوژی قەول، بەیت، دوعا، قەسیدە،كو هەر ئێك ژڤان ناڤەرۆکا چەندین بابەتایە،گۆتژى ب خۆشحالی ڤە بەری بنگەهێ لالش و سەردەمێ بنگەهێ لالش چەندین پەرتۆك چاپکرینە کو کۆمڤەکرنا قەول و بەیت و تێکستان بوویە.
ل پێرا “د.ممو عسمان” رۆنيه‌ك دا سه‌ر ديرۆك و مێژوویا ئێزدیان و باس ل بەرهەڤکرنا پەرتۆکەکێ ژ ئاليێ ڕەوشەنبیرێن ئێزدیان ڤه کر کو ناڤەرۆکا وێ کۆمڤەکرنا هەموو قەول و بەیت و دوعا و قەسیدانه،به‌لێ ئه‌و په‌رتۆك هاتە سەکناندن ژبەر هندەك بابەتان چنکو ددیتنا جڤاتا ڕوحانی دا هندەك بابەت تەسەوف یا تێدا هەی و پەرتۆك یا به‌رهه‌ڤه ل هیڤیا ڕازیبوونا جڤاتا ڕوحانى نە.
ژبال خۆڤه مامۆستا “شه‌مال خه‌مۆ” ل سه‌ر فەلسەیا ئێزدیاتیێ و دەستکاریێن مەبەست، گوهۆرینا پەیڤان ل پەی دیتنا خۆ و دەستکاریا بێ مەبەست بۆ نموونە لەفز، دەستکاریەکا تێگەهـ.
پاشان قەولبێژ “خواجە خه‌تارى”گرنگی و ژبەرکرنا قەول و بەیت و قەسیدان دا زانين و دیارکر كو عالمێ ئێزدی فەخرا ئێزدیخانێ یە، پێتڤییە کچ و کورِێن مە ئۆل و ئەرکانێن خۆ بزانن و تێدە د شاره‌زابن.
هه‌ژى گۆتنێ يه په‌نه‌لێ ناڤبرى ژ ئاليێ مامۆستا خێرى ئبراهيم ڤه دهاته ب ڕێڤه‌برن.
ل داویا په‌نه‌لى دەرگەهێ پرسیارا ژبۆ ئامادەبوویان هاتە ڤەکرن و ب تێر و تەسەڵى بەرسڤا هەموو پرسیاران هاتە دان.
تُتاح هذه الصورة أيضا في: کوردی
