دڕێوره‌سمه‌كێ دا خەلکێ ئێسڤنێ پێشوازی ل بەرێ شیبایکێ كر
تۆرا لالش:
ئيرۆ سبێ رۆژا ئینیێ 6/10/2023،ب ئاماده‌بوونا نوونەرێ ميرێ ئێزديان و باباشێخ وجوقەتا وى و ئەندامیێن جڤاتا ئێزدیێن ئێسڤنێ یا کۆمەلایەتی و گشت خەلکێ ئێسڤنێ،ل نێزیکێ مەزارێ شێخالێ شەمسا خەلکێ ئێسڤنێ پێشوازی ل بەرێ شیبایکێ يێ پیرۆز کرن.
ئێک ژ عرف و عادات و ڕێوره‌سم و داب و نه‌ريتێن هەرێن دێرین د مێژوويا ئێزدیاتیێ دا و ژ کەڤن دا د رۆژا ئێکێ یا جەژنا ( جەمایێ ) دا بەرێ شیباکی ژ بەحزانی دئێتە ب کارکرن و دگەل چەندین کەسانیێن ئاینی وەك(پێشیمامێ به‌حزانێ و خلمەتکار و کۆچەک و قه‌والێن باشیک و به‌حزانێ) قەستا پەرستگەها پيرۆزا لالش دکەن،بەری بگەهنه پەرستگەها لالش ل باژێرێ ئێسڤنێ د سەکنن و ب ئاماده‌بوونا خەلکێ دەڤەرێ و ب لێدانا ( دەف و شبابا ) و ب گێرانا چەندین ڕێوره‌سمێن تایبەت بەرێ شیبایکێ دئینە خوار و بۆ دەمەکی كورت بێهنا خۆ ڤەدەن و تێشتەکێ د خۆن ئەوا دئێتە ئامادەکرن ژلایێ خەلکێ ئێسڤنێ ڤه.
پاشى دیساڤە بەرێ شیباکی ب لێدانا دەف و شبابا دئێتە ب کارکرن و بەردەوامیێ د دەنە چوونا خۆ بۆ پەرستگەها لالش ژبۆ گێرانا ڕێورەسمیێن دی یێن ب جەژنا جەمایێ ڤە د گرێدایى.
تُتاح هذه الصورة أيضا في: کوردی
