ب پشکداریا نێزیکی 30 کەسان بەریکانەکا ڕەوشه‌نبیری ل ناحیا باعەدرێ هاتە ئەنجامدان
تۆڕا لالش:
دهێڤاریەکا بالکێش و جوان دا و کەش و هەوایەکی نیمچە پایزی دا،ڕێورەسمێن بەریکانەکا ڕەوشنبیری ل هۆلا باعەدرێ یا بیرەوەریان ب رێڤەچوو.
ئیرۆ ڕۆژا سێ شەمبوویێ 29ى ته‌باخا 2023،ب ئامادەبوونا ڕێزدار “سه‌عيد جردۆ” سەرۆکێ دەستەیا بلندا بنگەهێ لالش و “ميران سه‌باح” بەرپرسێ جەماوەری ل لیژنا ناوچا باعەدرێ و هه‌ژمارەکا مێڤانان، بنگەهێ لالش تایێ باعەدرێ بەریکانەکا ڕەوشه‌نبیری بۆ نێزیکی (30)کەسان ئەنجام دا.
ل دەستپێکێ “خه‌لات باعه‌درى” بەرپرسێ بنگەهێ لالش تایێ باعەدرێ بخێرهاتنا تەڤایا ئامادەبوویان کر و چەند گۆتن پێشکێشی وان کرن.
لدووڤدا ڕێزدار “سه‌عيد جردۆ” سەرۆکێ دەستەیا بلندا بنگەهێ لالش پەیڤەک ئاراستەی ئامادەبوویان کر و تەکەز ل سەر گرنگیا هەبوونا ڤان جۆرە هێڤاریان و زێدەباری چەند گۆتنێن دیتر و دەستخۆشی ل بنگەهێ لالش تايێ باعەدرێ کر ژبۆ ئەنجامدانا ڤان جۆرە چالاکیان.
پاشی پشکداربوویێن بەریکانێ دابەشی 9 گرۆپان بوون و ڕێنما و ڕێسایێن بەریکانێ ژئالیێ بنگەهی ڤە هاتنە ئاراستەکرن.
ل داویا بەریکانێ ئەڤان گرۆپان سەرکەفتن بدەستخۆڤە ئینان :
سەرکەفتیێن ئێکێ… گرۆپێ شنگال.
سەرکەفتیێن دووێ… گرۆپێ دلگه‌ش.
سەرکەفتیێن سێیێ… گرۆپێ ڕێناس.
ل داویێ هەموو گرۆپێن سەرکەفتی هاتنە خەلاتکرن ب دیاریێن بنگەهێ لالش تایێ باعەدرێ و ژلایێ بەڕێزێن ئامادەبوویی ڤە هاتنە پارڤەکرن.
تُتاح هذه الصورة أيضا في: کوردی
