شوبات 27, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

بنگەهێ لالش:شۆڕەشا گولانێ، ڤەژینا بزاڤا نەتەوەیی و نیشتمانپەروەرییا کوردی بوو

بنگەهێ لالش:شۆڕەشا گولانێ، ڤەژینا بزاڤا نەتەوەیی و نیشتمانپەروەرییا کوردی بوو

شۆڕەشا گولانێ ڤەگەڕاندنا هیڤیان بوو د دەمێ بێهڤیبوونا گەلێ کورد دا ل سەر پرس، هیڤی و ئۆمێدێن نەتەوەخوازی نیشتمانپەروەرییێن کوردی، ئەڤێ شۆڕەشێ هیڤییێن ڤەژینێ ئێخستنە ناڤ جەرگ و ناخێن تەڤایا ڕێزێن گەلێ کورد، هەر ژ بچووکترین هەتا مەزنترین.

پشتی شۆڕەشا خیانەتکارییا جەزائیری ل ساڵا ١٩٧٥ـێ، پشتی خواندنەکا بهێز، تۆکمە و تێروتەسەلا سیاسییا هەرێمایەتی و نێڤدەولەتی مەڵا موستەفایێ بارزانی بڕیار دا دەست ب شۆڕەشەکا نوی بکەن و ڕێکخستێن پارتی پلانا دەستپێکرنا شۆڕەشێ دانا، ئەڤە هەموو بۆ باوەرییا بارزانی ب هێز و شیانێن مللەتێ کورد دزڤڕت، هەر ئەڤ باوەری و پشتەڤانی و ئێکڕێزی بوو ئەگەر شۆڕەشەک دەستپێبکەت ب ناڤێ شۆڕەشا گولانێ. ل گەل هندێ گەرەک ڕۆڵێ بەرچاڤ و کاریگەرێ سەرۆک مەسعود بارزانی و کاک ئیدریسێ نەمر نەهێتە ژبیرکرن د ڕێکخستن، پلاندانان و ڕێڤەبەرییا شۆڕەشێدا کو ژ پێشەنگ و ڕێکخەرێن سەرەکییێن شۆڕەشێ بوون.

پشتی بڕیارا دەستپێکرنا شۆڕەشێ، کەسایەتی و شۆڕەشگێرێن خەمخۆرێن نەتەوەیی دووبارە ڤەگەڕیانە ناڤ ڕێزێن شۆڕەشێ و ڕۆلەکی مەزن د ئەڤێ شۆڕەشێ و ئیکڕێزییا گەلێ کورد دا دیتن. ئەڤە بوو ئەگەر ورەیا تاکێ کورد بلندبت و هەموو پێکهاتەیێن گەلێ کورد ژ هەموو ئایینان ڕۆلێ خۆ ببینن و میناک ژی د زۆرن مینا شەهید مەحموود ئێزدی و گەلەک قارەمانێن دی ژ تەخ، چین و ئایینێن جودا.

بنگەهێ لالش یێ ڕەوشەنبیری و کۆمەڵایەتی
٢٦ـی گولانا ٢٠٢٣ـێ /دهۆک

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi