شوبات 29, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

وەكیلێ‌ میرێ‌ ئێزدیان:حكومەتا عێراقێ‌ گرنگی ب ئێزدیان نەكریە

وەكیلێ‌ میرێ‌ ئێزدیان:حكومەتا عێراقێ‌ گرنگی ب ئێزدیان نەكریە
تۆرا لالش:
وەكیلێ‌ میرێ‌ ئێزدیان ئاشكەراكر، حكومەتا عێراقێ‌ ب چاڤەكێ‌ كێم تەماشەی مللەتێ‌ ئێزدی دكەت،هەموو دەڤەرێن عێراقێ‌ هاتنە ڕزگارن و خەلكێ‌ وان زڤری سەر جی و وارێن خۆ،ب تنێ‌ خەلكێ‌ شنگال دناڤ كەمپاندا ماینە.
جەهوەر عەلی بەگ،وەكیلێ‌ میرێ‌ ئێزدیان بۆ دەنگێ‌ لالش خویاكر,حكومەتا عێراقێ‌ ب چاڤەكێ‌ كێم تەماشەی مللەتێ‌ ئێزدی دكەت،بەری چەند ڕۆژان محەمەد شیاع سۆدانی سەرۆكوەزیرێن عێراقێ‌ دێ‌ سەرەدانا شنگال و پەرستگەها لالش كربا لێ‌ دووبارە سەرەدانا خۆ رەتكر،ئەگەر ژبەر بارودۆخێ‌ ئەمنی ل شنگال با دكاری سەرەدانا باشیكێ‌ بكەت،لێ‌ ژبەر ‌ گرنگی نەدان ب ئێزدیان سەرەدانا وان هەردوو دەڤەران نەكر و گۆت:((‌نهۆ حكومەتا عێراقێ‌ خێزانێن داعش ژ كەمپا هۆلێ‌ ب پاسێن تایبەت دئینە دناڤ ئاخا عێراقێ‌ دا،هەموو خزمەتگۆزاریان ژبۆ وان دابین دكەن،لێ‌ دەمێ‌ خێزانەكا شنگالێ‌ ب زڤرتە سەر جی و وارێن خۆ ماندیبوونەكا مەزن دبینن ب تایبەتی دناڤ زالگەهان دا)).
زێدەتر گۆت:حكومەتا عێراقێ‌ چ گرنگی ب خەلكێ‌ شنگالێ‌ نەدایە،هەموو دەڤەرێن عێراقێ‌ هاتنە ڕزگارن و خەلكێ وان زڤری سەر دەڤەرێن خۆ ڤە،ئارامی و خۆشی ل وان دەڤەران پەیدابوویە‌ ب تنێ‌ خەلكێ‌ شنگال هێشتا دناڤ كەمپاندا ژیانا خۆ دەرباز دكەن.

 

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi