گرێبەستا دابینکرنا کارەبێ بۆ کەمپێن ئاواران ل پارێزگه‌ها دهۆكێ ب داوى دئێت
باسنيوز:
بەڕێوەبەری کۆچ و کۆچبەران و وەڵامدانەوەی قەیرانەکانی پارێزگای دهۆک ڕایگەیاند، مانگی شەشی ئەمساڵ گرێبەستی ڕێکخراوەکان بۆ پشتیوانی و هاوکاریی دابینکردنی کارەبای کەمپەکانی ئاوارەکان کۆتایی دێت و پێویستە حکوومەتی عێراق چارەسەرێکی بۆ بدۆزێتەوە.
پیر دەیان جەعفەر، بەڕێوەبەری کۆچ و کۆچبەران و وەڵامدانەوەی قەیرانەکانی پارێزگای دهۆک، بە (باسنیوز)ی ڕاگەیاند: ”حکوومەتی عێراق بە گوژمەی زیاتر لە 180 ملیار دینار قەرزی پارەی کارەبای کەمپەکانی ئاوارەکانی خەرج نەکردووە و زۆر جار داوا کراوە بەغدا ئەو پارەیە خەرج بکات، بەڵام تا ئێستا خەرج نەکراوە و پێویستە حکوومەتی فیدراڵیی عێراق چارەسەرێک بدۆزێتەوە و هاوکاریی ئاوارەکان بکات، چونکە گرێبەستی ڕێکخراوەکان بۆ دابینکردنی کارەبای کەمپەکانی ئاوارەکان تا شەش مانگی دیکە کۆتایی دێت.”
ئاشکرایشی کرد: ”تا ئێستا خەڵکی شنگال لەناو کەمپەکان و لە دەرەوەی کەمپەکانیش نەیانتوانیوە بگەڕینەوە بۆ شوێنی خۆیان و بەردەوام حکوومەتی هەرێمی کوردستان پشتیوانی و هاوکاریی ئاوارەکان دەکات.”
تُتاح هذه الصورة أيضا في: کوردی
