حوزه‌یران 12, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

لقێ ئێك بیره‌وه‌ریا سالڤه‌گه‌را دامه‌زراندنا بنگه‌هێ لالش پیروز دكه‌ت

لقێ ئێك بیره‌وه‌ریا سالڤه‌گه‌را دامه‌زراندنا بنگه‌هێ لالش پیروز دكه‌ت
تۆرا لالش:

ب ھەلکەفتا بورینا (30) سالان ل سەر دامازراندنا بنگەھێ لالش یێ روشەنبیری و کومەلایەتی، لژێر دروشمێ (لالش كانیه‌كا زه‌لاله‌ دهورته‌ روبارێ ره‌وشه‌نبیریا كوردی دا) بناڤێ لقێ ئێکێ پارتی دیموکراتی کوردستان گەرمترین پیروزباھیا ئاراستەی دەستەیا کارگێری و گشت ئەندامێن بنگەھی دکەین.
بنگەھێ لالش پشتی سه‌رهلدانا ئادارا 1991 مه‌زنترین ده‌ستكه‌فتی بوو ژبو پاراستنا ره‌سه‌نیا كوردایه‌تیا ئێزدیان و خه‌باته‌ك مه‌زن كریه‌ ژ پێخه‌مه‌ت رێكخستنا ناڤ مالیا ئێزدیان و پاراستنا كه‌لتور و ئه‌ده‌ب و زمانێ ره‌سه‌نێ كوردی، هه‌روه‌سا وه‌ك ناڤه‌نده‌ك ره‌وشه‌نبیری و كومه‌لایه‌تی بزاڤێن به‌رده‌وام ژبو هشیاریا نه‌ته‌وه‌یی و نشتیمانپه‌روه‌ری دناڤ جڤاكێ ئێزدیان بگشتی و ته‌خا گه‌نجان بتایبه‌تی ئه‌نجامدایه‌.
دامه‌زراندنا بنگه‌هێ لالش ل سالا (1993) ب پشته‌ڤانیا پارتی و سه‌روك بارزانی وه‌ك فه‌رهه‌نگا كه‌لتوری و پاراستنا گیانێ لێبورینێ و روحینیا برایه‌تیێ دناڤ هه‌می پێكهاتێن ده‌ڤه‌رێ دا روله‌كێ ئێكجار پیروز هه‌بوویه‌ و جه‌ندین لاوێن ئێزدیان پێگه‌هاندینه‌ برێیا ئه‌نجامدانا جالاكیێن جورا و جور و خزمه‌تكرنا وان د پێشدابرنا چینه‌كا گرنگ دناڤ جڤاكی دا وه‌ك ئه‌ركه‌كێ وه‌لاتپارێزی جهێ ده‌ستخوشیێ بوویه‌.
بڤێ هه‌لكه‌فتێ هیڤی خوازین برایێن ئێزدی یێن ئاواره‌ بسه‌رفه‌رازی ڤه‌گه‌رنه‌ڤه‌ و ب ئازادی و ئارامی ژیانا خو لسه‌ر جهـ و وارێن خو بدۆمینن و هه‌ر وه‌ها هیڤیامه‌ ئه‌وه‌ كچ و ژنێن ره‌ڤاندی هه‌می بهێنه‌ رزگار كرن.
دوباره‌ سالڤه‌گه‌را بنگه‌هێ لالش ل جڤاكا ئێزدی و خه‌لكێ كوردستانێ پیروز دكه‌ین.
لقێ ئێک
پارتی دیموکراتی کوردستان
11/5/2023

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi