نیسان 20, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

شارەزایێن نێڤ دەولەتی:دوو ڕێ‌ هەنە جڤاكا نێڤ دەولەتی كار ل سەر ناساندنا جینۆسایدا ئێزدیان بكەت

شارەزایێن نێڤ دەولەتی:دوو ڕێ‌ هەنە جڤاكا نێڤ دەولەتی كار ل سەر ناساندنا جینۆسایدا ئێزدیان بكەت
تۆرا لالش:
ل گۆڕەی دیتنا شارەزایێن نێڤ دەولەتی ئەو كۆمكوژیا ب سەرێ‌ ئێزدیان دا هاتی ل شنگالێ‌ دبتە تاوانەكا نێڤ دەولەتی،هەروەسا چ ڕێگریێن یاسایی نینن ل هەمبەر ڤی كەیسی و دوو ڕێ‌ هەنە جڤاكا نێڤ دەولەتی كار ل سەر ناساندنا جینۆسایدا ئێزدیان بكەت.دڤی دەربارەی دا ئۆمێد محەمەد تاهر،مامۆستایێ‌ زانینگەهێ‌ و شارەزا د بیاڤێ‌ تاوانێن نێڤ دەولەتی دا بۆ دەنگێ‌ لالش راگەهاند،ئەو كۆمكوژیا ب سەرێ‌ ئێزدیان دا هاتی دبتە تاوانەكا نێڤ دەولەتی،ئەوژی دكەفتە د خانەیا(جینۆسایدێ‌) دا كو پشكەكا هەرە گرنگ یا تاوانێن نێڤ دەولەتی پێك دئینت،ل دووڤ پیڤەرێن نێڤ دەولەتی، تایبەت ئەوێن سیستەمێ‌ رۆما یێ‌ بنەرەت ل ساڵا 1998، و سەبارەت جینۆسایدێ‌ ئاماژە پێ‌ هاتییە كرن كو ل دژی گرۆپەكی دەستنیشانكری بت، ئەڤەژی دبتە بەلگە كو ئێزدی گرۆپەكێ‌ ئاینی یێ‌ جیاوازن و ئەڤ تاوانا مەزن ل دژی وان هاتییە ئەنجام دان.
ئۆمێد محەمەد تاهر ئەو ژی گۆت:چ ڕێگریێن یاسایی نینن كو ئەڤ كارەسات بچتە بەرامبەر دادگەها نێڤ دەولەتی یا تاوانان و ب جینۆساید بێتە ناسین، ئەگەر مە رێگریێن سیاسی نەبن، بەلێ‌ ڕێگریەكا دی یا هەی ئەوژی عێراق نەئەندامە د سیستەمێ‌ رۆما یێ‌ بنەرەت دا، مخابن ئەڤی ژیبەرێ‌ خودان بۆ نائێتە كرن ژلایێ‌ دادگەها ناڤبری ڤە، بەلێ‌ مە ڕێكەكا دی یا هەی ئەوژی هندەك ئەنجامدەرێن تاوانێ‌ هەلگرێ‌ ناسناما وان وەلاتانە كو ئەو وەلات ئەندامن د سیستەمێ‌ ناڤبری دا،ئەڤ چەندە دكارت ببتە دەرگەهـ كو لێپرسین دگەل وان تاوانباران بێتە كرن و دیسان ژی ببتە كار ئاسانی بۆ ناساندن و دانپێدانكرن ب جینۆسایدا ئێزدیان ژلایێ‌ دادگەها تاوانێن نێڤ دەولەتی ڤە.
مامۆستایێ‌ زانینگەهێ‌ و شارەزا د بیاڤێ‌ تاوانێن نێڤ دەولەتی دا رۆنكر،ئەگەر ئەڤ تاوانە ب جینۆساید بێتە ناسین و دانپێدان پێ‌ بێتە كرن، دێ‌ گەلەك مفایێن خۆ هەبن ژوانژی ژلایێ‌ یاسایی و رەوشتی(ئەخلاقی) ڤە جڤاكا نێڤ دەولەتی دێ‌ نەچار بت سنوورەكێ‌ پاراستنێ‌ بۆ ئێزدیان دەستنیشان كەت،هەروەسا ژی دێ‌ رابت ب قەرەبووكرنا قوربانییان و ژلایێ‌ سیاسی ژی ڤە مفایێن خۆ هەنە، دێ‌ بتە هاریكار بتر پالپشتییا ئێزدیان ب تایبەتی و گەلێ‌ كورد ب گشتی بێتە كرن.
هەروەسا د.كورمانج ئۆسمان،شارەزا د دادگەها تاوانێن نێڤ دەولەتی دا بۆ دەنگێ‌ لالش خویاكر،داكو دانپێدان ب كۆمكوژیا ئێزدیان بێتە كرن ژلایێ‌ جڤاكا نێڤ دەولەتی ڤە، مە دوو ڕێ‌ یێن هەین ژوانژی ئەمیندارێ‌ گشتی یێ‌ دادگەها تاوانێن نێڤ دەولەتی ل سەر بنەمایێ‌ بەلگەیێن پشت راستكری دۆسەیا ئێزدیان ڤەكەت و كار ل سەر بكەن یان جڤاتا ئاسایشا نێڤ دەولەتی یا سەر ب ڕێكخراوا نەتەوێن ئێكگرتی ڤە ب بریارەكێ‌ داخواز ژ دادگەها تاوانێن نێڤ دەولەتی بكەت و تیمەكا نێڤ دەولەتی كار ل سەر دۆسەیا ناڤبری بكەن و ژ بۆ ڤێ‌ هندێ‌ دادگەهەكا تایبەتمەند یا تێكەل یان نێڤ دەولەتی بێتە دروستكرن.
دكتۆری ئاماژەكر،پێتڤیە كار ل سەر كۆمكرنا بەلگەیان ل سەر بنەمایەكێ‌ نێڤ دەولەتی بێتە كرن و تیما یونیتاد كو ب كارێ‌ ڤەكۆلینێن تاوانێن داعش و كۆمكرنا بەلگەیان رادبت، رابت ب پێشنیاركرنا راسپاردێن خۆ بۆ ڕێكخراوا نەتەوێن ئێكگرتی،داكو بتر كار ل سەر دۆسەیا ناڤبری بێتەكرن،هەروەسا حكومەتا هەرێما كوردستانێ‌ داخواز دكەت جینۆسایدا ئێزدیان بێتە ب نێڤ دەولەتی كرن و ل سەر ئاستێ‌ جڤاكا نێڤ دەولەتی كار ل سەر بێتەكرن.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi