هێشتا 2693 گڕتیێن ئێزدی د دەستێ داعشێ دا ماینە
تۆرا لالش:
نڤیسینگەها ڕزگاركرنا گرتیێن ئێزدی ڕادگەهینت،كو دهێرشا تیرۆرستێن داعشێ دا بۆ سەر شنگالێ 6417كەسێن ئێزدی هاتنە گرتن،هەتا نۆكە 3562كەس هاتینە ڕزگاركرن و هێشتا 2693كەس ماینە.
بەرپرسێ نڤیسینگەها ڕزگاركرنا گرتیێن ئێزدی،حسێن قائیدی بۆ دەنگێ لالش ئاشكەراكر،دنووترین ئامارا نڤیسینگەهێ دا هەتا ڕۆژا(2/11/2022)هاتیە بەلاڤكرن،هژمارا ئێزدیان ل عێراقێ دۆرێن( 550,000)كەسان بوویە،ئاوارەیێن ئێزدی یێن نۆكە دكەمپێن هەرێما كوردستانێ دا(,135،860)ئاوارەنە،دیسان ئاوارێن ل دەڤەرێن جوداجودا ل هەرێمێ نێزیكی(189،337)ئاوارەنە،هەروەسا (2745)زارۆ ئێتیم بووینە و (83)گۆڕێن بكۆم هاتینە دیتن،زێدەباری ب دەهان جیێن گۆڕێن تاك،هژمارا كەسێن ژ گۆڕێن ب كۆم رزگاربووین گەهشتیە(29)رزگاربوویان و (68)مەزارگەه و نیشانگەهێن ئاینی ژبال داعش ڤە هاتینە پەقاندن و بتری(120,000)كەسان كۆچكریە دەرڤەی وەلاتی.
قائیدی رۆنكر ژی دهێرشا رێكخراوا داعش یا تیرۆرستی دا بۆ سەر شنگال (6417)كەسێن ئێزدی هاتینە گرتن ژوانژی(3548)مێ و (2869)نێر،هەروەسا هژمارا ڕرزگاربوویان ژ دەست داعشێ(3562)كەس بوون ئەو ژی(1207)مێ و (339)نێر و(1059)زارۆكێن مێ و(957)زارۆكێن نێر،هەروەسا هژمارا جانگۆریان یێن روفاتێن وان رادەستی كەسوكارێن وان هاتینە كرن(162)جانگۆری نە،ئەو ژی(20)مێ و(142)نێر،دیسان(2693)كەس هەتا نۆكە ماینە(1262)مێ و(1431)نێر.
تُتاح هذه الصورة أيضا في: کوردی
