حوزه‌یران 13, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

رێڤەبەریا گشتی یا کاروبارێن ئێزدیان:گۆتنێن شڤان پەروەر بەروڤاژی راستیا ئۆل وجڤاکا ئێزدیایە

رێڤەبەریا گشتی یا کاروبارێن ئێزدیان:گۆتنێن شڤان پەروەر بەروڤاژی راستیا ئۆل وجڤاکا ئێزدیایە
دیارە ئەڤە چەندین جارە شڤان پەروەر یاریا ب هەستێن ئێزدیان دکەت و ب شێوەیەکی گشتی جڤاکا مە برینداردکەت ب چەند پەیڤێن نەرەوا و دوور ژراستیا ئۆل وجڤاکا ئێزدیان.
ئەم دوپات دکەین ، کو ئەڤ گۆتنێن شڤان پەروەر نە ل ئاستێ کەسایەتیا وی نە وەکو هۆنەرمەندەکی خودان خزمەت ددەرهەقا دۆزا نەتەوەی یا گەلێ کوردستانێ دا، چونکی ئێک ژئارمانجێن سەرەکی یێ بەرخودانا گەلێ مە ب تایبەت بزاڤا رزگاریخوازا کوردی بۆ هندێ بوو هەموو پێکهاتێن گەلێ کوردستانێ ب ئازادانە دەربرینێ ژهەست و بیر و باوەرێن خۆ بکەن و تاکو ئەڤ دەستکەفتە ب دەستڤە هات ب هزاران عەزیزێن مە بونە شەهید و قوربانی، لەوا ژی گەرەک بوو شڤان پەروەر وەکو هۆنەرمەندەکی شۆرەشێ رێز ل ڤان قوربانی و شەهیدان گرتبا.
ددرێژاهیا دیرۆکێ دا ئێزدی تووشی 74جینۆساید و فەرمانان بوینە و رەنگە ئەڤان جۆرە نەراستیێن وەکو گۆتنێن شڤان پەروەر کەسانێن رادیکال پالدابن کو ب ڤان فەرمانان دژی ئێزدیان رابن .
ل سالا 2014 دەمێ جینۆساید ب سەرێ مە هاتی سایکۆلۆژیەتا ئێزدیان لاوازکر ،وگەلەگ هۆنەرمەند و نڤیسکار و مامۆستایێن ئاینی یێن کوردستانێ وژدانا خۆ رازیکرن ددەرهەقا خەلکێ مەیێ بێ گونەهدا ، لەوا ژی مە چاڤەرێی هەلویستەکی جوانتر ژ هۆنەرمەند شڤان پەروەر دکر.
ئۆلدارێن ئێزدیان رێز وبهایەکی مەزن ل ناڤا جڤاکێ مە هەنە ، گەرەک بوو شڤان ب رێزگرتن ڤە ناڤێن وان بینە ، چونکی ل دەمێ کەچ و خوشک ودایکێن مە کەفتینە دبن دەستێ تیرورستێن داعش دا ،هەر ئەڤ ئۆلدارەبون بریار داین کو ئەڤ کەچ و ژن دپیرۆزن و پێتڤی یە ب رێورەسم پێشوازیێ لێ بکەین.
ئەم ب توندی هەر هەول و تێکدانەکێ رسوا دکەین یێن کو دبنە ئەگەرێ تێکدانا پرۆسیسا پێکڤەژیانێ دناڤبەرا پێکهاتێن گەلێ کوردستانێ دا .و پشتگیریا خۆ بۆ وێ سکالایا هاتیە تۆمارکرن ژئالیێ ناڤەندا شێورمەندیا ئێزدیان ل ئەلمانیا دژی شڤان پەروەر دوپات دکەین.

رێڤەبەریا گشتی یا کاروبارێن ئێزدیان
هەولێر / 5/1/2022

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi