زارۆكەكێ رزگاربووی ل كەمپا شاریا پێتڤی هاریكاریێ یە
تۆرا لالش یا راگەهاندنێ
زارۆكێ رزگاربوویێ ئێزدی(ئەیاز بەشار) نهۆ ل كەمپا شاریا دژیت،پشتی ژ دەستێن داعش هاتیە رزگاركرن و ژبەر نەخۆشیێن دیتین تووشی بارێ دەروونی بوویە و پێتڤی هاریكاریێ یە ژبۆ چارەسەریێ ل دەرڤەی وەلاتی.
دڤی واری دا(عەلی بەشار)برایێ زارۆكێ رزگاربووی بۆ دەنگێ لالش راگەهاند،بۆ ماوێ سێ سالان برایێ من ئەیاز یێ (9)سالی كو چار سالان ژ تەمەنێ خۆ كچكترە د دەستێ داعش دابوو،ل رێككەفتی(2/7/2017)هاتە رزگاركرن و هەتا نهۆ(17)كەسێن دی ژ خێزانا مە هێشتا ماینە و نەهاتینە رزگاركرن،گۆتژی ژبەر نەخۆشیێن دیتین بارێ دەروونی بۆ برایێ من چێبوویە و تشتەكی تێناگەهت و جاران ب كوردی و ئەرەبی دئاخڤت و چەند چارەسەریێ وەردگرت كارتێكرن ل مێشكێ وی دبت و رێكخراوەكێ ناڤێ وی بۆ وەلاتێ ئوسترالیا نڤیسی بوو بەلێ هێشتا چ دیارنینە ونهۆ پێتڤی هاریكاریێ یە و چارەسەریا وی ل دەرڤەی وەلاتی هەیە.
خواست ژی هەر كەسەكێ ئێزدی بێتە رزگاركرن هاریكاریا وی بێتە كرن،داكو ب شێوەیەكی سرووشتی دووبارە دەست ب ژیانا خۆ بكەتە ڤە.
دهێرشا رێكخراوا داعش بۆ سەر دەڤەرا شنگالێ ل(3/8/2014)،ئەڤ زارۆكێ ئێزدی ل گوندێ وەردیێ كەفتە دەستێ تیرۆرستان و هاتە گرتن و دەروونێ وی تێكچوویە پشتی هاتیە رزگاركرن.
تُتاح هذه الصورة أيضا في: کوردی
