۲٤ سال دەربازدبن ل سەر کەد و خەباتا بنگەهێ لالش
بنگەهێ لالش / شاریا
درۆژەکا وەکی ئیرودا بەریا ۲٤ سالان بنگەهێ لالش دهێتە دامەزراندن لژێر دروشمێ ( لالش کانیەکا زەلالە دهورتە د رووبارێ رەوشەنبیریا کوردیدا ) و ب لێک خرڤەبوونا هەژمارەک ژ رەوشەنبیر و کەسایەتیێن ئێزدی ل دەڤەرێن جودا جوادا یێن ئێزدیا و ب پێچێبوونەکا کێم دەست ب کەد و خەباتا خوە دکە، تا ئیرۆ رۆژ دبیتە دەزگەهەکی مەزن و دەولەمەندێ ناساندنا ئێزدیاتیێ ل ناڤخۆ و ژدەرڤەیا وەڵاتی و کاریە ئەرشیفەکێ دەولەمەندێ گرێدای ژیانا ئێزدیان خرڤەبکەت و نیشانی جیهانێ بدەت ژ کەلتور و رۆژنامە و گۆڤار و پەرتوک و سایت و بەرنامە و کارێن جوراو جۆر .
هەر بڤێ هەلکەفتێ ژدل و جان پيروزباهيێن خوە ل دەستەيا بلندا بنگەهێ لالش و گشت تايى و نڤيسگەهـ و گشت ئەندام و كادر و لايەنگرێن بنگەهێ لالش و گشت جڤاكا ئيزدیا دكەین ب هـەلكەفتا تمام بونا ٢٤ سالێن خەبات و خزمەتا بنگەهێ لالش و هلكرنا شەمالكا ٢٥ ساليێ.
هیڤی خوازین ژ خودایێ مەزن بکارین بەردەوامیێ ل خزمەتا خوە بدەین ژبو خزمەتکرنا هەموو تەخ و چینێن جڤاکێ ئێزدی دبوارێن جودا جودا یێن ژیانێدا .
تُتاح هذه الصورة أيضا في: کوردی
