تۆرا لالش
مووسا خالد / چالاکڤان،دهۆك
به‌رده‌وام هه‌رێما كوردستانێ بۆ ئه‌مریكا و پتریا وه‌لاتێن جیهانی ل ئاستێ ناڤخۆی و نیڤده‌وله‌تی دا هەرێما کوردستانێ خۆدان پێگه‌هەکێ گرنگە، ئه‌مریكا هه‌ڤپه‌یمانه‌كا گرنگه و ژلایێ دیبلۆماسی و ستراتیژی ڤه و پشتی كو سه‌ره‌دانا سه‌رۆكێ ئه‌مریكا دۆنالد تره‌مپ بۆ رۆژهه‌لاتا ناڤه‌ڕاست كو سه‌ره‌دانا هه‌ر ئێك ژ وه‌لاتێن سعوودیه و ئیمارات و قه‌ته‌ر كری ب فه‌رمی داخوازكرن و گازیكرنا سه‌رۆك وه‌زیران “مه‌سرور بارزانی” ژ لایێ ئه‌مریكا ڤه د ڤێ قۆناغا دا گرنگ دا په‌یاما خۆ هه‌یه.
رێكکه‌فتنێن مه‌سرور بارزانی دگه‌ل ئه‌مریكا نێزیكی ۱۱۰ ملیار دۆلاران بوون، دێ ب وی پاره‌ی وه‌به‌رهێنان ل كوردستانێ هێته‌كرن. هه‌ردو كۆمپانیێن وێستێرن زاگرۆس و (HKN energy) ئێچ كه‌ی ئێن ئێنێرجی ل واشنتۆنێ دو گرێبه‌ست دگه‌ل حوكمه‌تا هه‌رێما كوردستانێ ئیمزاكرن بۆ په‌ره‌پێدانا كه‌رتێ نه‌فت و وزه‌یا هه‌رێما كوردستانێ.
دیسان سه‌قامگێریا هه‌ولێرا پایته‌خت بۆ گه‌له‌ك وه‌لاتێن دی یێن جیهانێ گرنگه، دیسان ئه‌ڤه وێ چەندێ دگه‌هینت كو هه‌رێما كوردستانێ و پێگه‌هێ كوردان بۆ ئاشتی و به‌رقه‌راربوونا ئاسایشا ل ناڤچێ دا گرنگیا خوه هه‌یه. په‌ره‌پێدانا په‌یوه‌ندیێن به‌رده‌وام ڕامانا هندێ دگه‌هینیت كو په‌یوه‌ندێن هه‌رێمێ و ئه‌مریكا د پێشڤه‌چوونێ دانه، چونكە د ڕه‌وشا نوكه یا رۆژهه‌لاتا ناڤه‌ڕاست دا كورد كاره‌كته‌ره‌كێ سه‌ره‌كێ یه د گوهۆڕین و پرۆسێسا سیاسی دا.
د ڤێ بارودوخێ نوكه یێ سیاسی ل ناڤچه‌یێ روو د ده‌ت، ئه‌ڤ جۆره سه‌ره‌دانێن فه‌رمی یێن سه‌رۆك وه‌زیران مه‌سرور بارزانی ره‌نگه بته ده‌رگه‌هه‌كێ نوو یێ بهێزتر بۆ په‌یوه‌ندیان بۆ هه‌ولێر و واشنتۆنێ. هه‌ردو ئالییان په‌یوه‌ندیێن دۆستانه و دیرۆكی هه‌نه، چونکە پشتی ڤان چه‌ند رۆژێن بۆرین سه‌ره‌دانا ترامپی بۆ ناڤ هنده‌ك ده‌وله‌تێن عه‌ره‌بی ئاستێ په‌یوه‌ندییێن ئابوری و گهۆڕینا بازرگانی و چاوانیا به‌رفره‌هكرنا وان په‌یوه‌ندیان د وارێن هاریكاریا هه‌ڤپشك یا دناڤبه‌را ئه‌مریكا پشكه‌ك ژ وه‌لاتێن عه‌ره‌بی هاتنه ئیمزاكرن.
(ماوه‌یه‌كێ كێم مایه ئه‌مریكا دێ مه‌زنترین كونسولخانه‌یا خۆ ل سه‌ر ئاستێ جیهانێ ل هه‌ولێرا پایته‌ختێ كوردستانێ ڤه‌كه‌ت، ئه‌ڤه وێ په‌یامێ دگه‌هێنت ئه‌مریكا دڤێت په‌یوه‌ندیه‌كا باشتر بهێزتر دگه‌ل هه‌رێما كودرستانێ دڤێت).
هه‌رێما كوردستانێ به‌رده‌وام دگه‌ل ئاشتی و ئارامیێ یه بۆ ده‌ڤه‌رێ، سه‌رۆك وه‌زیران مه‌سرور بارزانی خۆدان كارێزما و چاره‌سه‌رێ ئاشتیێ و هێزا نه‌رم یا چاره‌سه‌ریێ دهێته ناسین ئه‌ڤه ژی وێ چه‌ندێ دگه‌هینت كو په‌یاما هه‌رێما كوردستانێ یا ڕۆن و ئاشكرایه كو به‌رده‌وام دگه‌ل گیانێ پێكڤه‌ژیان و ئاشتیه‌كا به‌رده‌وامه بۆ ده‌ڤه‌رێ، هه‌م هه‌بوونا په‌یوه‌ندیێن بهێز و دێرین دگه‌ل هه‌رێما كوردستانێ و ئه‌مریكا هه‌نه ب تایبه‌ت ژلایێ دیبلۆماسی و ستراتیژی ڤه.
ئه‌ڤ سه‌ره‌دانه گرنگ دهێته دیتن چونكە رۆژهه‌لاتا ناڤه‌ڕاست ب گشتی د قۆناغه‌كا گه‌له‌ك هه‌ستیار و مه‌ترسی دایه، هه‌موو وه‌لات پێشبێنیا گوهۆڕینا ده‌ڤه‌رێ دكه‌ن، تایبه‌ت هه‌بوونا ئێران و توركیا كاریگه‌رترین وه‌لاتێن زلهێزو بهێزن ل رۆژهه‌لاتا ناڤه‌ڕاست.
دیسان ئه‌ڤ سه‌ره‌دانه و هه‌بوونا په‌یوه‌ندیان دناڤبه‌را هه‌ولێر و واشنتۆنێ دێ بیته فاكته‌ره‌كێ باش بۆ پێشڤه‌برنا هه‌ڤكاریێن ئابوری و بازرگانی و ئێمناهیێ و ئاشتیێ د ناڤچه‌یێ دا، دیسا بهێزكرن و به‌رده‌وامیدان ب په‌یوه‌ندیێن هه‌ڤپشكێن ستراتیژی ل سه‌ر بنه‌مایێن به‌رژه‌وه‌ندیێن هه‌ڤپشكن.
ئه‌ڤ هه‌ماهه‌نگیه بۆ پاراستنا ئارامی و سه‌قامگیریێ یه ل ده‌ڤه‌رێ، هه‌روه‌سا هه‌بوونا مه‌زنترین كۆنسلخانەیا ئه‌مریكا ل هه‌رێمێ وێ چه‌ندێ دگه‌هینت كو هه‌رێمه‌كا گرنگه بۆ ئه‌مریكا ژلایه‌كێ دیبڵوماسی ڤه. ئه‌ڤ جۆره سه‌ره‌دانا مه‌سرۆر بارزانی د ده‌مه‌كێ باش و پێدڤی دایه، هه‌م بۆ هه‌رێمێ و هه‌م بۆ ئه‌مریكا، چونكە هه‌رێم فاكته‌رێ چاره‌سه‌ریێ و ئاشتیێ یه ل گه‌ل ئیراقێ و پتریا وه‌لاتێن رۆژهه‌لاتا ناڤه‌ڕاست.
سه‌رۆك وه‌زیران مه‌سرور بارزانی رۆله‌كێ مه‌زن و به‌رچاڤ هه‌یه د گه‌شه‌كرنا په‌یوه‌ندیێن دیبلۆماسی یێن ئه‌مریكا و هه‌رێما كوردستانێ و ڤان په‌یوه‌ندیێن بهێز باندۆرا خۆ ل سه‌ر چاره‌سه‌ركرنا كێشه‌یان هه‌یه.
تُتاح هذه الصورة أيضا في: کوردی
