ل ساڵیادا ئەنفالا به‌هدیناندا، مەسرور بارزانی، سه‌رۆكێ حكومه‌تا هه‌رێما كوردستانێ داخوازێ ل حکومەتا عێراقێ دکه‌ت، قەرەبوویا کەسوکارێن قوربانیێن ئه‌نفالێ بکه‌ت.

دووشەمبوويێ، 25ـی ته‌باخا 2025، مەسرور بارزانی، سه‌رۆكێ حكومه‌تا هه‌رێما كوردستانێ، ل تۆڕا کۆمەڵایەتیيا ‘ئێکس’ پەیامه‌ك ب هه‌ڵكه‌فتا(37)هەمین ساڵیادا تاوانا ئەنفالا به‌هدینان به‌ڵاڤکر.

سه‌رۆكێ حكومه‌تا هه‌رێما كوردستانێ ب ڕێز و ئيحترام ڤه‌ یادا قوربانیێن ئەوێ تاوانا دڕندە یا ڕژێما عیراقێ ساخدکەین، جاره‌كا دی داخوازێ ل حکومەتا فیدراڵ دکه‌ت، ئەرکێ خۆ يێ یاسایی و دەستووری بۆ قەرەبووکرنا کەسوکارێن قوربانیان بجهـبينت.

دپه‌يامێ دا، سه‌رۆكێ حكومه‌تێ سلاڤان بۆ گیانێ پاکێ قوربانیێن جینۆسایدا ئەنفالێ و ته‌ڤاهيا شەهیدێن کوردستانێ دهنێرت و دووپات دكه‌ت، حکومەتا هەرێما کوردستانێ دێ بەردەوام بت ل سه‌ر خزمەتکرنا کەسوکارێن شەهیدان و ئەنفالکريان و بزاڤێن ب جینۆسایدناساندنا ڤان تاوانان ل سەر ئاستێ نێڤدەوڵەتی.