تۆرا لالش
ل ڕۆژا سێ شه‌مبوويێ 12-8-2025، د رێوره‌سمه‌كێ دا دێ پێشوازى ل گه‌ڕا هه‌شتێ يا ڕووفاتێن قوبانيێن ئێزدى ل سه‌ر ده‌ستێ داعشێ ئێته كرن.
نايف جاسو، نوونه‌رێ قوربانیێن جینۆسایدا ئێزدیان ل شنگالێ، ئيڕۆ پێنج شه‌مبوويێ، د ڕاگه‌هاندنه‌كێ دا دياركر، پشتی نیڤرۆیا سێ شه‌مبوویێ 12ـی ته‌باخا 2025ێ، دڕێوره‌سمه‌كا فه‌رمى دا دێ پێشوازيا ئينانا ڕووفاتێن ئێزدیان ل فه‌رمانگه‌ها نۆژداريا داد ل پارێزگه‌ها نه‌ینه‌وا به‌ره‌ف مونومێنتا جينۆسايدا ئێزديان ل سه‌نته‌رێ قه‌زا شنگالێ ئێته كرن.
گۆتژى: ڕووفاتێن قوربانيان دێ ب ڕێيا ترومبێلێن ئه‌مبولانسێ ئێنه ڤه‌گوهاستن و داخوازێ ل كه‌سوكارێن قوربانيان دكه‌ين ل مونومێنتا جينۆسايدێ ئاماده‌بن بۆ پێشوازيكرنا جانگۆريان.
نوونه‌رێ قوربانیێن جینۆسایدا ئێزدیان دووپاتكر، ڕێوره‌سمێن ئۆلى و فه‌رمى ل سبا ڕۆژا چارشه‌مبوويێ 13ى مه‌هێ و ل ده‌مژمێر 10ى سپێدێ ل مونومێنتا جينۆسايدێ دێ ب ڕێڤه‌چن و پاشى ڕووفات بۆ مه‌زارگه‌هێن ئۆلى ل ده‌ڤه‌رێن جودايێن شنگالێ ئێنه ڤه‌گوهاستن و ڤه‌شارتن.
رێكخراوا داعش يا تيرۆرى مه‌زنترين تاوان ل دژى ئێزديان ل 3ى ته‌باخا 2014 ده‌مێ ده‌ست بسه‌ر شنگالێ دا گرتى ئه‌نجامدا، هه‌تا نوكه پترى 90گۆڕێن بكۆم هاتينه ديتن و هێشتا گه‌له‌ك گۆڕ ماينه و نه‌هاتينه ڤه‌كرن.
لدووڤ زانيارييان، هێشتا پترى 500ڕووفاتێن قوربانيێن ئێزدى ل نۆژداريا داد ل به‌غدايێ نه و چاڤه‌رێ وه‌رگرتنا سمپلێن خوونێ يێن كه‌سوكارێن قوربانيان دكه‌ن، داكو ناسنامه‌يا ئه‌وان ئاشكرا بكه‌ن و ڕاده‌ست بكه‌ن وپاشى ڤه‌گوهێزنه شنگالێ و ڤه‌شێرن.
تُتاح هذه الصورة أيضا في: کوردی
