تؤرا لالش/موسا خالد
چالاکڤان دده‌نه دیاركرن کێم نەتەوا هندی نەتەوا کوردی لسەر بکارئینانا زمانێ دایکێ کارەسات و زورداری دیتیە.
ب هەزاران کورد ل سەدێ بیستێ ژبه‌ر کوردبوون و ب کارئینانا زمانێ کوردی هاتینە جینۆسایدکرن و دەهان هەزار کیلۆمەترێن چوارگوشە ژ ئاخا کوردستانێ ژ زمانێ کوردی هاتیە ڤالاکرن و پرۆسا تورککرن، عەرەبکرن، عەجەمکرن و فارسکرن تێدا هاتیە ئەنجامدان و نها ژی بەردەوامە.
ل ١٥ی گولانا سالا ١٩٣٢، ل شاما پایتەختێ سوریێ ژ لایێ (میر جەلادەت بەدرخان)ڤە، بۆ ئێکەم جار گۆڤارا هەوار دهێتە چاپکرن، گۆڤارا هەوار، ٢٣ هەژمارێن دەستپێکێ ب پیتێن عەرەبی و ب کوردی و ٣٤ هەژمارێن دویماهیێ ب پیتێن لاتینی ب کوردی ده‌ركه‌فتن.
ل سالا ١٩٨٧ (فرات جەوهەری) دچتە شامێ و هەموو هەژمارێن گۆڤارێ د دوو بەرگاندا کۆم دکەت و ل ١٥ی گولانێ ل سالا ١٩٨٧ کو ئه‌ڤ به‌رواره ساڵڤەگەرا گۆڤارێ دا د وەشینت.
ئەڤ رۆژە هەر سال ژلایێ سازیێن چاندی و پارتێن سیاسی ڤە وەکو رۆژا جەژنا زمانێ کوردی دهێتە پیرۆزکرن و ب مخابنی ڤە دبێژم! وەسا یا دیاردبت ئیدی زمانێ دایکێ (کوردی) هەر وەک چ گرنگییا خوە نەمایە ل دەڤ تاکێ کورد، د ڕۆژەکا هوسا دا ئەو چالاکییێن ژبۆ زمانی دهێنە کرن ب تبلێن دەستا دهێنە هەژمارتن و ئێدی بۆ کەسی گرنگ نینە د ناڤا خێزانێ دا یان زارۆکێ ئەوی فێری زمانێ کوردی ببت یان نە بەلکو شانازییێ ب هندێ دبه‌ت دەمێ فێری عەرەبی و تورکی و ئینگلیزی دبت، هزرناکەت شەرم د هندێ دایە تاک زمانێ خوە نزانت ل جهێ شانازییا زانینا زمانێن دیتر.
ل رۆژا زمانێ کوردی زۆر کەس هەبووینە و دەرد بۆ گیانێ وان جانفیدایێن ژ پێخەمەت ئازادکرن و بەلاڤکرنا زمانێ کوردی گیانێ خۆ کریە قوربان و ژ بۆ ئازادیا زمانی ئیرۆ دناڤا زیندانان دانه، له‌وران فه‌ره پاراستنا زمانێ دایكێ دووپات بكه‌ین.
بەردەوامی دان ب زمانی و وەکو ئەركەک ل دۆر پاراستن و بەلاڤکرن و گرنگیپێدانا زمانێ کوردییا شیرین و چونکی بە کوردی دژیم وەکو کوردەك دێ مرین ب کوردی دئاخڤم و ب كوردی بەرسڤ د ده‌م. دیسان زیندی دێ مینن، رۆژا جیهانیا زمانێ دەیکێ پێدڤیە ئەم هەمی کار بۆ وەرار و پێشئێخستنا زمانێ کوردی بکەین، زمانێ کوردی ناسناما نەتەوا کوردە ب هەموو رێیێن زانستی و ناڤەند و جهێن ئاکادیمی و کەلتوری و جڤاکی و سیاسی و حکومی پێتڤیه لێ خودان دەرکەڤین.
یێن کو ب زمانێ کوردی دنڤیسن، بزاڤێ بکەن زمانێ دایکێ کو بەرچاڤترین مەرجێ نەتەوەییە بپارێزن، ب ساخی بهێلن، پێ باخڤن و نیشا زارویێن خۆ بدەن، ب ڕێزمان و ڕێنڤیسەکا دروست و پاک بنڤیسن و بەرەڤ ئێکگرتن یان نێزیککرنا دایلێکتێن زمانێ کوردی ببەن، تایبەت د سوشیال میدیایێ دا کو ب مخابنیڤە جاران هندەک زمان و پەیڤێن زمانێن بیانی ل پێشیا زمانێ کوردی دانن فەرە بەردەوام گرنگیێ پێ بدەین داکو زمانێ مە بەردەوام د گەشە بوونێ دابت وەرارەکا بەردەوام هەبت بو نڤشێ داهاتی.
تُتاح هذه الصورة أيضا في: کوردی
