Desteya Bilinda Bingehê Laliş smînarek gêra û qutabiyên serkeftî jî xelat kirin.

Tora Laliş ya ragehandinê.

Berdewamîdan bi bizav û çalakiyên sazya laliş , Roja pênç şembûyê rêkeftî 29î îylula 2022ê û bi amadebûna jimareka kesayetî û qutabyan , Desteya Bilinda Bingehê Laliş di çalakiyeka xwe ya evro da smînarek gêra û jimareka qutabiyên serkeftî jî xelatkirin li hola Şêx Şamo li avahya Desteya Bilinda Bingehê Laliş li Parêzgeha Dihokê .

Piştî rawestiyan li sergiyanê şehîdên bizava rizgarî xwaza kurdî serkarwanê wan barzaniyê nemir , Rê û resmên çalakiyê destpêkirin

Se’îd Cirdo Serokê Desteya Bilinda Bingehê Laliş di perawêza çalakiya evroda pîrozbahî li qutabiyên serkeftî kir û ronahî êxiste ser rolê wan di pêşerojê da weku serkirdên civakî li dahatî , Dîsan amaje bi rewşa dijwar û astengên qutabiyan derbazkirîn di jyana awareyî û li bin xîvet û kavilan da ku nebûne rêgir li hember serkeftina ewan, Belku bûyne helgrên îradeyeka polayî , Herweha di drêjahiya peyva xweda tekez kir ku serkeftinên van xortan dibe hander bo me ku bi çavekî pirî omêd li civak û welatê xwe meyzebikin .

Di tewerekî dîtir da smînara mamosta û şarezayê di biyavê Êzidînasyê da (Xelat ba’edrî) li dor babetê (programê babetê Êzidyatyê û çend têbînî û pêşnyar ) bi rê ve çû û ji layê endamê desteyê ve (Xîrî Îbrahîm Koro) hate birêvebirin , Di mawê smînarê da smînarbêjî çendîn tîbînî û ronkirin û pêşniyar bo amadebûyan li dor programên xwandina babetê Êzidyatiyê li navendên xwandinê li herêma Kurdistanê înan ziman ,Paşan dan û sitandinek bi mifa û sûd bexiş li dor babetî hate encamdan di navbera smînarbêjî û berhevbûyan da.

Di tewerê dawîyê yê hêvariya Laliş da jimareka qutabiyên serkeftî li pola 12ê yên têkrayên berz bi dest xweve înayn li sala xwandinê 2021 – 2022 ê hatine xelatkirin ji layê Desteya Bilinda Bingehê Laliş û bingehê Laliş tayên Sinûn û başîk û behzan ve û ji layê amadebûyan ve diyaryên serkeftiyan hatine parvekirin .

00S.A