زمانێ كوردی د مەترسیدارترین قۆناغ و كارڤەدان دا؟
مللەت مەحەمەت
زمان وەكو ئالاڤەكی دئێتە بكارئینان دناڤبەرا مرۆڤان دا ژبۆ ئاڤاكرن وگەشەكرنا كۆمەكا كەسان ب هەموو پاشمایێن وی ڤە یا خویایە هەر گەلەك یان نەتەوەك خودان زمانەكە ،مە وەكی مللەتێ كورد ژی زمانێ خۆ هەیە ئەو ژی زمانێ كوردی یە،زمانێ كوردی دقۆناغێت سەخت و بەرتەنگ و هەمە تێپەراندینە یان دەرباز كرینە زۆر جاران زمانێ كوردی دگۆپیتكا پێشكەفتنێ دا بوویە،لێ نكاریە ب هندەك گەشەسەندن و كارتێكرنا وان ئەزموونێت پێشكەفتی یێن دچەرخێ بۆری (بیستێ) كو بەشەكێ كوردستانێ گهۆرینەكا باش ب خۆڤە گرت ژئالیێ سیاسی ڤە و كاریگەریا خۆ لسەر بوارێن دی ژی ل كوردستانێ كرن وەكو (زانستی ، كۆمەلایەتی،سیاسی )،و كارینە روویەكێ جوان بدەنە كوردستانێ لێ تاكو تەمەنێ ڤێ پێشكەفتن و گەشەسەندنێ یێ درێژبا و ل قۆناغێن پشتی وان ژی مابانە ساخ و هەر زیندی بانە پێتڤێ ب بەرێخودانێت كوورتر هەبوو و ب هووری ئەڤ قۆناغە هاتبا خووندن، و ئەڤە ئێكە ژ وان روویێ پێشكەفتنێ د قۆناغا گەشەسەندنا زمانێ كوردی دا دئێتە نیاسین،دیسان پشتی ڤێ قۆناغێ بزاڤەكا خورترو باشتر دناڤ زمانێ كوردی دا دەنگ ڤەدا د ماوێ سالا (1970_ 1979)ێ د چەرخێ بۆری دا تشتێ جیێ نیگەرانیێ و سەرەنجا هەرنڤیسەرەكی راكێشایی دڤێ قۆناغێ دا ئەو پێشكەفتن و گەشەسەندنا سەیر بوو یا كو پەیدابووی و گهۆرینەك یان پێشكەفتنەك د هزرو بیرێن زۆربەی نڤیسەرو خووندەڤانی دا كر و سەرهلدانەك دهزرو نڤیسینێت وان دا یان دنڤیسێنی دا پەیدابوو بوونە جیێ گرنگیا خووندەڤانێ كورد،ل ڤێدەرێ كاكلكا خالا مە دڤێت دڤی بابەتی دا ئەم بەحس لێ بكەین و دیاربكەین ئەوە كو دناڤ ڤێ رێژا زۆر یا نڤیسەران یێت مە بەحس لێ كری ژمارەكا گەلەكا كێم هەبوون دئاستێ پێشكەفتنێ دا و شارەزا دزمانی دا و ب نڤیسینێت خۆ یێت رێك و پێك و بووینە جیێ مفا وەرگرتنا خەلكەكێ دن و نموونەیێن بەرچاڤ بوون زۆر تشتا ژێ فێرببن و دووبارە بوونا ڤێ مەترسیێ یا زمانی دوورنابینم هەكە خووندنەك بۆ وان پێشبینیێن بۆ ڤێ قوناغێ تێنە كرن نەئێتەكرن و مفا ژێ نەئێتە وەرگرتن.
تُتاح هذه الصورة أيضا في: کوردی
