یاسا دچاڤێن شوفێرەکێ تەکسیێ دا..
ئەحمه‌د عه‌بدولستار
وەکی ئەم دبینین و مە گوهـ لێ دبت چ د راگەهاندنێ دا چ د رۆژنامه و سایتێن کۆمەلايه‌تی دا دبێژن فلان وەلات گەلەك یا پێشکەفتیە و فلان وەلات خەلکێ وێ گەلەك یێ ب رەوشتە و فلان وەلات خەلکێ وێ گەلەك یێ پاقژە و فلان وەلات د بوارێ تەکنەلۆژیايێ دا گەلەك یێت پێشکەفتین! بەلێ دەمێ بابەت دئێت سەر وەلاتێ کوردستانێ ئەم بخۆ دێ بێژین ئەم دپیسین و پاقژیا وەلاتێ خۆ نا پارێزین و تەمبەلین و نكارن چ گهۆرینا بکەین و خەمسارین ژبەرکو نكارن چ داهێنانا بۆ وەلاتێ خوۆ بکەین! ئەرێ هون دبێژن کی بەرپرسە ژڤێ چەندێ: خەلك یان حکومەت؟ ئەز دبێژم پشکا هەری مەزن بـۆ حکومەتێ دکەڤت و رێژەیەکا کێم ژبۆ خەلکێ دکەڤت،بۆ ڤێ رێژەیا من دیارکری ئەز دێ نمونەك خۆ یا رۆژانە ئینم کو ئەز نهۆ وەك شوفێرێ تەکسیێ … ئەم هەموو د زانین کو حکومەتێ یاسا یێن دایناين بۆ هاتن و چۆنێ ئەگەر هات و شوفێر پێگریێ ب رێنمایێن هاتن و چۆنێ نەکت وان ماف یێ هەی وی سزا بده‌ن .. بەلێ وەکو یا دیار دەواما کارمەندێن هاتن و چۆنێ ژ دەمژمێر7:30 دەست پێ دکت هەتا دەمژمێر ١٢ى شەڤ .. ئەز وەك شوفێرێ تەکسیێ ل دەمێ دەمژمێر 5:30 دەردکەڤم سەر کاری نە كه‌مه‌را سلامەتيێ دگرێده‌م و نە ژی خۆ ل ترافیکێن راوستیانێ دگرم ل دەمێ گلۆپ سۆر .. ئەڤا ئەز دکەم دبت ژ خەمساریا من بت و نە پێگریا من بت ژبەرکو ل وی دەمی چ چاڤدێری نینە و دزانم چ سزا بوو من نینە! بەلێ ل دەمێ کارمەندێن هاتن و چۆنێ دئێن سەر کارێ خۆ ئەز قایشا سلامەتیێ ژی دگرێده‌م و ل ترافیکا ژی دراوستم ژبەرکو دزانم ئەگەر وەنەکەم دئێم سزا دان ! من دڤێت ڤێ چەندێ دیاربکەم کو دڤێت حکومەت یاسایێن گرنگ و مفا بۆ خەلکێ بدانێت و هەر کەسێ پێگریێ ب رێنمایێن وان نەکت بێتە سزادان ل دەستپێکێ ژ پەروەردێ دەست پێ بکەين چنکو پەروەردە بنیاتێ هەموو پێشکەفتنایە ل وەلاتان.. پەیاما بۆ حکومەتێ چاڤ ل وەلاتێن پێشکەفتی وەکو ژاپۆن و ماليزيا بکن کو وان ژی ل سالێت بەرێ وەکو مە ژ چنێ دەست پێ کریە هوون دكارن یاسایێن وان بینن ل وەلاتێ مە و مفايى ژێ وەربگرن.. ئەگەر یاسا و سزا هەبت دێ خەلکێ مە ژی وەك وەلاتێن پێشکەفتی لێ ئێن.
تُتاح هذه الصورة أيضا في: کوردی
