كەسایەتی دناڤبەرا ئاڤابوون و هەرفتنێ دا
دلدار محەمەد 
ئەگەر ئەو بۆچۆنە یا رەوابت یا كو د بێژت خێزان بنەمایێ ئاڤابوون و پەیدابوونا جڤاكی یە ئانكو بنەمایێ هەر جڤاكەكی ژ كۆمەكا تاكەكەسان پێك دئێت،لێ ئەگەر ئەو دیتن سەردەمیانە تر بت یاكو دبینت تاك بنەمایێ هەر هێزەكێ یەو هەر تاكەك ب هەبوونا خۆ جڤاكەك و قەوارەكێ سەربەخۆیە و تاكەكەس بنواشەیە بۆ هەر جڤاكەكی ئەڤە بارێ گرانتر كەفتە سەر ملێ كەسی و ئەو پشتبەستنا كو وی بەری نهۆ لسەر كۆمەكا كەسان دكر دچارچووڤەكێ بچوككری ژ جڤاكێ مەزن،لڤی سەردەمی دڤیا هەموو پشتبەستنا وی لسەر وی بتنێ بت ئەڤە ژی وی نەچار دكت ئەو پتر و پتر دەمی بدەتە ئاڤابوونێ و خۆ پێشڤە برنێ ، لێ دپرۆسەیا خۆ پێشڤەبرنێ دا دیسان دڤیا نەئێتە ژبیركرن كو ئەو تاك دێ سەرەدەریێ دگەل كۆمەكا تاكان كت داكو بزاڤا وی یا خۆ پێشڤەبرنێ نە مینتە خرش ! ئەو لبەر چاڤ بت بۆ هەر بزاڤاكا ئەو ئاراستە دبت ئاراستەیەكێ دیتر هەیە حەز دكت ئەو دبزاڤا خۆ دا نە سەركەفت و پاشڤەمای بمینت ئەڤە ژی وە نە بت كو ناڤزراندبت ب كەسەكی یان ژی ب كۆمەكا كەسان لێ دبنە رەت دا ئەڤە سرووشتێ مرۆڤا نە (دستەم كارن و ژ پاشڤەمانێ حەزدكن )،لەوما ژی هەر هزرەكا نوو ئێكەم پێشوازیكرنا وێ دژایەتییا وێ یە.
د بزاڤا مەدا بۆ گەهشتنا ئارمانجێ ژ پێنگاڤا ئێكێ دڤییا ل بیرا مە بت كو مە رێیەكا درێژ یا پر ژ ستری و ئاستەنگان هەیە و دڤیا ل بەرامبەر چ ئاستەنگان ئالایێ بێ ئۆمێدبوونێ نە هەژیێت ،دڤێ رێیا درێژدا دێ گەلەك جاران كەفتە بەر گوهێ مە كو ئەم دبێ بەرهەم و نەفامین ، دێ گەلەك جاران ئێتە خواستن كو دڤیا (ب تبایێ عامێ بچیە شامێ )نلێ كەسێ حەزو و هیڤیا سەركەفتنێ هەبت نە مەرجە هەر دەم لدووڤ دە وسا كومێ بچت،ئەگەر گەهشتینە وێ باوەرێ كو دڤیا ئەز مرۆڤەكێ ئاڤاكری بم و بۆ هاتنا هەر هروبایەكی ئەز دێ كارم شیانێن خۆ بكار بینم و من دیڤەلانكی و كۆپییا كەسێ نەڤێت من دڤێت هەتا داویا كاروانێ ژیانێ ئەز ئەزبم،هۆسا ئەم دێ بینە خودانێن كۆمەكا تاكێن ئاڤا و دەرئەنجام دێ مە جڤاكەك ئاڤابووییی و هۆشیار هەبت و بێی كو لبەر چ بلیلا ب رەقست،دناڤ چ وەهمادا بژیت دێ گەهت هەموو ئارمانجێن خۆ نامینت ل هیڤیا چ دەرا و چ خوەلی ژی بسەری وەرنابن لێ ئەگەر ل ژڤانێ دەلیڤا ماین نە و مە بزاڤا پەیدابوونا وانا نەكر،مە كارێن باش ڤیان بێی پەیداكرنا شیانێن باش دناڤ جیهانا دەستداهێلانێ دا دێ هەر ورۆژ بۆرن و ئەم ژی دێ مینین كەساتیێن هەرفتە بۆ هەر و هەر.
لەو دڤیا هەر ئیرۆ و نە سوبەی و ڤێ خۆلەكێ نەكو یا پشتی وێ زەندو باسكێن خۆ هەلدەین ل هەسپێ خۆشبەزێ هیڤێن خۆ سوار ببین و نە مینین نڤستی ل هیڤیا ڤەبوونا دەرگەهێ كەسێن دی ،داكو هەموو ئۆمێد بگەهنە جه شەمەندی فرا ژیانێ مە ل پشت خۆ نەهێلت.
تُتاح هذه الصورة أيضا في: کوردی
