ب چاڤدێریا شێخ شامۆ قارەمانیەكا تەپاپێ ل ناوچەیا سەرسنكێ ب داوی هات
تۆرا لالش یا راگەهاندنێ
ب چاڤدێریا”شێخ شامۆ”سەرۆكێ دەستەیا بلندا بنگەهێ لالش و ئەندامێ پەرلەمانێ كوردستانێ،قارەمانیەكا تەپاپێ ل سنوورێ ناوچا سەرسنكێ ب داوی هات.
ب هەلكەفتێن سالڤەگەرا جینۆسایدكرنا ئێزدیان ل شنگالێ و داگیركرنا ناوچا باشیكێ و بەحزانێ ژبال تیرۆرستێن داعشێ ڤە،ب ئامادەبوونا”شێخ شامۆ”سەرۆكێ دەستەیا بلندا بنگەهێ لالش و ئەندامێ پەرلەمانێ كوردستانێ و رێڤەبەرێ ناوچا سەرسنكێ و بەرپرسێ لژنا ناوچا پارتی دیموكراتی كوردستان ل سەرسنکێ و بەرپرسێ لژنا ناوچا باشیكێ یا پارتی وبەرپرسێن بنگەهێ لالش تایێن شێخان و بەحزان و باشیكێ و جەماوەرەكێ زۆر،دوهى 8/8/2016،یاریا داویێ یا قارەمانیا تەپاپێ یا 11یاریزانى كو بۆ ئاوارەیان هاتبوو ڤەكرن ب داویهات.
درێورسمان دا،ل پێشیێ شەمالك و دروشمێن كۆمكوژیا ئێزدیان ب سەكنین ژبال ئامادەبوویان ڤە هاتنە هلكرن و بلندكرن كو دەربرین ژ گرتی و ئێخسیرێن دەستێ داعشێ دا و ڤێ كارەساتا مەزنا ب سەرێ كوردێن ئێزدی هاتی دكرن.
پاش پشتی ب داوی هاتنا یاریێ دناڤبەرا دوو تیمێن گەهشتینە قۆناغا داویێ،پشكدارێن قارەمانیێ و سەركەفتیێن ئێك و دووێ ب جلكێن وەرزشی و دادڤان و سەرپەرشت ژبال بەرێز”شێخ شامۆ” ڤە هاتن خەلاتكرن.
بۆ زانین ئەڤ قارەمانیه بەریا نها بۆ ئاوارەیێن ل دەڤەرا سەرسنكێ ئاكنجی هاتبوو ڤەكرن،بنگەهێن لالش تایێ بەحزان و باشیكێ ب رێكخستنا یاریا داویێ راببوون.
تُتاح هذه الصورة أيضا في: کوردی
