1.7 ملیۆن فێرخواز ئه‌ڤرۆ به‌ر ب خواندنه‌گه‌هێن خوه چوون
WAAR-دهۆك:
وه‌رزێ نوو یێ خواندنێ ل هه‌رێما كوردستانێ ده‌ستپێكر و زێده‌تری ملیۆنه‌ك و 700 هزار فێرخوازان ل سه‌رانسه‌ری هه‌رێمێ ئه‌ڤرۆ به‌ر خواندنگه‌هێن خوه چوون.
وه‌رزێ خواندێ یێ ئه‌ڤساله 2019 -2020، ئه‌ڤرۆ رۆژا ئێكشه‌مبێ ده‌ست پێ كر و ل گۆری داتایێن وه‌زاره‌تا په‌روه‌ردێ، پتری ملیۆنه‌ك و 700 هزار فێرخوازان ل سه‌رانسه‌ری هه‌رێما كوردستانێ به‌ر ب خواندنگه‌هێن خوه چوون.
زه‌نگا ئێكێ یا ده‌ستپێكرنا وه‌رزێ نوو، ئه‌ڤرۆ ژ ئالییێ مه‌سروور بارزانی سه‌رۆك وه‌زیرێ هه‌رێما كوردستانێ ل خواندنگه‌ها رێباز یا بنه‌ره‌ت ل پارێزگه‌ها دهۆكێ هات لێدان، سه‌رۆكێ وه‌زیران ژی د گۆتاره‌كێ دا، سۆزا گرنگیدانا زێده‌تر ب كه‌رتێ په‌روه‌ردێ دایه.
كابینه‌یا نه‌هێ یا حكومه‌تا هه‌رێما كوردستانێ وه‌ك د به‌رنامه‌یا كارێ خوه دا ئاماژه‌كری، گرنگیدان ب په‌روه‌ردێ و پێشدابرنا سیسته‌مێن خواندنێ و خواندنا بلند ل هه‌رێما كوردستانێ ژ كارێن خوه یێ ده‌ستپێكی داناینه.
تُتاح هذه الصورة أيضا في: کوردی
