مه‌سروور بارزانی: هه‌رێما كوردستانێ دێ ئارام مینیت
WAAR-دهۆك:
سه‌رۆك وه‌زیرێن هه‌رێما كوردستانێ ئه‌ڤرۆ په‌یامه‌كا ده‌ستخۆشیێ ئاراسته‌ی هێزێن ئاساییش و دژه تیرۆرێ كر كو شیان د ده‌مه‌كێ كێم دا، تاوانبارێن هێرشا هه‌ولێرێ ده‌سته‌سه‌ر بكه‌ن.
مه‌سروور بارزانی ئه‌ڤرۆ د په‌یامه‌كێ دا ده‌سخۆشی ل هێزێن ئاساییش و دژه تیرۆرا هه‌رێما كوردستانێ كر كو شیایینه د ده‌مه‌كێ كێم دا، تاوانبارێن هێرشا هه‌ولێرێ ده‌سته‌سه‌ر بكه‌ن كو ب مخابنی ڤه ب ئه‌گه‌را وێ دیپلۆماتكاره‌كێ تورك و 2 وه‌لاتیێن هه‌رێمێ تێدا بووینه قوربانی.
سه‌رۆكێ وه‌زیران گۆت: ئه‌و سه‌ركه‌فتنه به‌رهه‌مێ دلسۆزی و كارێ شه‌ڤ و رۆژ یێ وان هێزان كو بووینه پارێزه‌رێن ئارامی و ئاساییشا هه‌رێمێ، سوپاسییا خه‌لكێ هه‌رێمێ ژی ژبۆ هاریكارییا وان یا به‌رده‌وام كرییه.
ل داوییا په‌یاما خوه، مه‌سروور بارزانی دوپات كرییه، هه‌رێما كوردستانێ دێ هه‌رده‌م وه‌ك پێگه‌هه‌كێ ئارام و سه‌قامگیر مینیت.
تُتاح هذه الصورة أيضا في: کوردی
