سوپایێ ئیرانێ دو خورت د ناڤ ئاخا ھەرێمێ دا کوشتن
WAAR-دهۆك:
سوپایێ پاسدارێن ئیرانێ 2 خورت د ناڤ خاکا ھەرێمێ دا ل نزیکی تەوێلە کوشتن و تەرمێن وان د گەل خوە دا برن.
رێکخستنا ھەنگاو یا مافێن مرۆڤی یا رۆژھەلاتێ کوردستانێ ئاشکەر کر؛ ئەڤرۆ سپێدێ سوپایێ رژێما ئیسلامی یا ئیرانێ، ل سەر سنۆرێ ھەرێم و رۆژھەلاتێ کوردستانێ و ب کووراھییا کیلۆمەترەکێ د ناڤ ئاخا ھەرێمێ دا ل سەیرانەگەھا ئاویسەر یا نزیکی تەوێلە ل پارێزگەھا حەلەبجە، 2 خورت گوللـەباران کرن.
ل گۆرەیی ئاگاھییێن ھەنگاوێ ژ ژێدەرێن ھایدار وەرگرتین؛ وێ ھێزا رژێما ئیرانێ، پشتی ئەو 2 خورتە کوشتین، ھاتینە ناڤ خاکا ھەرێمێ و تەرمێن وان خورتان د گەل خوە دا برینە ئالییێ دی یێ سنۆری و ژ بەر کو ئەو خورتە نە کۆلبەر بوون و جلێن سڤیلان ژی ل بەر بوون، سەدەما کوشتنا وان و برنا تەرمێن وان ناھێت زانین.
تُتاح هذه الصورة أيضا في: کوردی
