په‌رله‌مانێ ئیراقێ ئه‌ڤرۆ دێ ل سه‌ر هه‌لبژارتنا سه‌رۆككۆماری كۆمبیت
WAAR-دهۆك:
بریارە ئەڤرۆ پەرلەمانێ ئیراقێ سات هه‌شتێ ئێڤاری کۆم بیت و سەرۆککۆمارێ نوو یێ ئیراقێ هەلبژێریت.
مالپەرێ فەرمیێ پەرلەمانێ ئیراقێ داخواز ژ هەر 24 بەربژارێن پۆستێ سەرۆککۆماری کرییە ئەڤرۆ سات10ی سپێدێ ل ئاڤاهیێ پەرلەمانی به‌رهه‌ڤ بن كو د ناڤا وان 7 به‌ربژارێن كورد هه‌نه، ل گۆرەی مەدیایێن ئیراقی ژى کۆمبوونا په‌رله‌مانى ئەڤ شەڤە سات 8 دێ هێت کرن و گۆتوبێژان ل سه‌ر هه‌لبژارتنا سوبه كه‌ت.
تارق حه‌رب، بسپۆرێ قانوونی، پێشتر راگه‌هاندییه؛ سه‌رۆككۆمار د روونشتنا ئێكێ یا هه‌لبژارتنا پۆستێ سه‌رۆككۆماریێ دا ناهێت هه‌لبژارتن ژبه‌ر كو ب زه‌حمه‌ت دبینیت كو به‌ربژار سێ چارێكا ده‌نگان ژ سه‌رجه‌مێ سێسه‌د و بیست و نه‌هـان بده‌ستبێخیت، هه‌ر چه‌نده سێ یێ ڤێ مه‌هێ داوی ژڤانێ هه‌لبژارتنێیه.
د روونشتنا دوێ یا هه‌لبژارتنا سه‌رۆككۆماری ژی دا دێ ده‌نگ د نێڤبه‌را وان به‌ربژارێن بلندترین رێژه‌یا ده‌نگان بده‌ستخستین هێت كرن و سه‌رۆككۆمار دێ هێت هه‌لبژارتن.
بۆ ده‌مێ 15 سالانه، جارا ئێكێ یه كو كورد ل سه‌ر ئێك به‌ربژار بۆ پۆستێ سه‌رۆككۆماریێ رێكنه‌كه‌ڤن.
تُتاح هذه الصورة أيضا في: کوردی
