هزار و 700 یه‌كێن ئاكنجیبوونێ دێ بۆ مامۆستایێن دهۆكێ ئێنه چێكرن
باسنيوز:
سه‌رۆكێ لقێ دهۆك یێ ئێكه‌تیا مامۆستایێن كوردستانێ راگه‌هاند، ئاریشێن ئاڤاكرنا یه‌كێن ئاكنجیبوونێ یێن مامۆستایێن پارێزگه‌ها دهۆكێ ب دووماهى هاتینه و هزار 700 شووقه دێ بۆ وان هێنه ئاڤاكرن، به‌لێ ب تنێ ئاریشه ل سه‌ر فرۆتنا وان شووقه‌یان هه‌یه كادێ هه‌ر ئێك ب چه‌ندێ هێته ئاڤاكرن و فرۆتن.
وه‌هبى یونس، سه‌رۆكێ لقێ دهۆك یێ ئێكه‌تیا مامۆستایێن كوردستانێ، بۆ (باسنیوز) دیار كر، ل پارێزگه‌ها هه‌ولێر و سلێمانیێ ده‌ست ب ئاڤاكرنا شووقه‌یان بۆ ماموستایان هاتیه كرن و ب تنێ یێن دهۆكێ ژ ئه‌گه‌رێ چه‌ند كێشه‌یان هاتبوونه راگرتن و بریاره ده‌ست ب ئاڤاكرنا وان بهێته كرن و پتر ژ 1700 شووقه‌یان بهێنه ئاڤاكرن كو ئه‌ردێ ئاڤاكرنا وان شووقه‌یان دكه‌ڤیته تاخێ كێڤلا ل رۆژئاڤایێ سه‌نته‌رێ دهۆكێ و ئه‌م چاڤه‌رێ هندێینه ژى كو بهایێ ئاڤاكرنا و فرۆتنا وان یه‌كێن ئاكنجیبوونێ بهێته ده‌ستنیشانكرن و كۆمپانى ده‌ست ب كارێ خوه بكه‌ن.
ئاشكرا ژى كر، كو كۆمپانیا (ره‌سه‌ن) دێ ده‌ست ب ئاڤاكرنا یه‌كێن ئاكنجیبوونێ بۆ مامۆستایێن دهۆكێ كه‌ت و وان ئه‌ڤ ته‌نده‌ره وه‌رگرتیه و گۆتیشى: دیزاینه‌كا نوو بۆ ڤى پرۆژه‌ى هاتیه چێكرن و ل نێزیكترن ده‌م دێ ده‌ستبكاربیت.
تُتاح هذه الصورة أيضا في: کوردی
