پارتی: هه‌لبژارتن دێ د ده‌مێ خوه دا هێن كرن
WAAR-دهۆك:
جڤاتا سه‌ركرداتییا پارتییا دیموكرات یا كوردستانێ ئه‌ڤرۆ ل دۆر هه‌لبژارتنێن سیهی ئیلۆنێ كۆم بوو و په‌یڤدارێ پارتی راگه‌هاند؛ هه‌لبژارتن دێ د ده‌مێ خوه دا هێنه كرن.
ئه‌ڤرۆ ل پیرمام، جڤاتا سه‌ركرداتییا پارتی ب سه‌رپه‌رشتییا سه‌رۆك مه‌سعوود بارزانی، كۆم بوو و مژارێن سه‌ره‌كی یێن كۆمبوونێ ژی، هه‌لبژارتنێن په‌ڕله‌مانێ كوردستانێ و پێكئینانا حكومه‌تا نوو یا ئیراقێ و پشكدارییا كوردان بوو.
پشتی كۆمبوونێ په‌یڤدارێ پارتی راگه‌هاند؛ هه‌لبژارتنێن هه‌رێمێ دێ د ده‌مێ خوه دا هێنه كرن و پارتی ل گه‌ل پاشخستنا هه‌لبژارتنان نینه.
گۆت ژی: پارتی ل گه‌ل ئێكرێزییا ئالیێن كوردستانی یه و دخوازیت هه‌موو ئالی ب ئێك شاند بچنه به‌غدا و دانوستاندنێن پێكئینانا حكومه‌تا نوو یا ئیراقێ بكه‌ن.
تُتاح هذه الصورة أيضا في: کوردی
