70 مێگاواتێن كاره‌بێ بۆ دهۆكێ هاتن زێده‌كرن
WAAR-دهۆك:
پارێزگارێ دهۆكێ ب وه‌كاله‌ت راگه‌هاند؛ حكومه‌تا هه‌رێمێ حه‌فتێ مێگاواتێن دی یێن كاره‌بێ بۆ دهۆكێ زێده‌كرن و ل مه‌ها هه‌شت، دێ سعه‌تێن كاره‌با گشتی زێده‌بن.
به‌هزاد عه‌لی ئاده‌م پارێزگارێ دهۆكێ ب وه‌كاله‌ت بۆ وار راگه‌هاند؛ وه‌زاره‌تا كاره‌بێ یا حكومه‌تا هه‌رێمێ، ئه‌ڤرۆ بریارا زێده‌كرنا حه‌فتێ مێگاواتێن دی یێن كاره‌با گشتی بۆ دهۆكێ دا و ب ڤێ یه‌كێ ژی، دێ سعه‌تێن دانا كاره‌با گشتی د مه‌ها بهێت دا زێده‌بن و بنه سێزده سعه‌ت، د ده‌مه‌كی دا به‌رییا نها یازده سعه‌ت بوون.
گۆت ژی: فشاره‌كا مه‌زن ل سه‌ر پشكا كاره‌با دهۆكێ هه‌یه، ژبه‌ركو پتری چل مێگاواتێن كاره‌بێ بۆ سه‌نگه‌رێن پیشمه‌رگه‌ی دچن و پێنجی و سێ مێگاوات ژی بۆ ئاواره‌یان، لێ ئه‌ڤ بریاره دێ بارگرانییا خه‌لكی سڤكتر كه‌ت.
ئه‌ڤه د ده‌مه‌كی دایه كو پشتی بلندكرمنا بهایێ ئه‌مپیری كاره‌با مزالیده‌یان، نه‌رازیبوونه‌كا مه‌زن چێبوویه و خه‌لك داخوازا كێمكرنا بهایی كاره‌بێ دكه‌ن.
تُتاح هذه الصورة أيضا في: کوردی
