نێچیرڤان بارزانى: د روونشتنێن د گه‌ل عه‌بادى دا هه‌موو كێشه هاتینه به‌حسكرن
WAAR-دهۆك:
پشتى كۆمبوونا جڤاتا وه‌زیرێن هه‌رێما كوردستانێ نیچیرڤان بارزانى سه‌رۆكێ حكومه‌تا هه‌رێما كوردستانێ دپرێسكۆنفرانسه‌كى دا دلگرانیا حكومه‌تا هه‌رێمێ سه‌باره‌ت ب په‌سه‌ندكرنا بودجه‌یا ئیراقێ دیاركر و راگه‌هاند، كو بڤێ یه‌كێ شه‌راكه‌تێ ل ئیراقێ شكه‌ستن ئینا، خویاژى كر كو بزاڤ د هێنه‌كرن هه‌موو ئالیێن سیاسى یێن كوردستانێ كۆمبوون و هه‌لویسته‌كێ ئێكگرتى به‌رامبه‌ر ئیراقێ راگه‌هینن
ژ ئالیه‌كێ دیڤه نێچیرڤان بارزانى راگه‌هاند، ل كۆنگره‌یێ میۆنشن یێ ئاسایشا نێڤده‌وه‌له‌تى و به‌رى نها ژى ل داڤوس كۆمبوونێن گه‌له‌ك باش و رژد ل سه‌ر چاره‌كرنا هند كێشه‌یان هاتنه‌كرن، گۆتژى: كێشه‌یێن باس ل سه‌ر هاتینه‌كرن ڤه‌كرنا فرۆكخانه‌یان و هنارتنا مووچه‌یێن فه‌رمانبه‌ران بوون گۆتژى، كێشه‌یێن دى پشتى هه‌لبژارتنێن ئیراقێ دێ هێنه چاره‌كرن.
هه‌روه‌سا نێچیرڤان بارزانى خویاژى كر؛ به‌غدا یا هه‌رێما كوردستانێ ژى یه و یا چو ئالیێن سیاسى بتنێ نینه، هه‌روه‌سا گۆتژى؛ دڤێت كورد به‌رده‌وام بیت ل سه‌ر دیتنا رۆلێ خوه، لێ ئاشكراكر؛ حكومه‌تا ئیراقێ مه‌بده‌ئێ شه‌راكه‌تێ تێكدایه.
هه‌روه‌سا نێچیرڤان بارزانى گۆتژى؛ ئیراق رازى بوویه ل سه‌ر وێ یه‌كێ په‌ترۆلا كه‌ركووكێ ل جهێ بۆ ده‌رڤه نه‌هێته ره‌وانه‌كرن، ب رێكا بۆریێن په‌ترۆلا هه‌رێما كوردستانێ بهێته ره‌وانه‌كرن، و نێچیرڤان بارزانى گۆتژى؛ عه‌بادى مه‌بده‌ئییه‌ن ل سه‌ر ره‌وانه‌كرنا سولفه‌یه‌كێ بۆ دابینكرنا مووچه‌یان رازى بوویه، لێ تا نها چو پێنگاڤ نه‌هاتینه هاڤێتن.
تُتاح هذه الصورة أيضا في: کوردی
