پارتی: د شیان دایه قانوونا چاكسازییان بهێته راستڤه كرن
WAAR-دهۆك:
سه‌رۆكێ فراكسیۆنا پارتی ل په‌رله‌مانێ كوردستانێ، راگه‌هاند؛ هند كه‌س و ئالی بووینه رێگر ل هه‌مبه‌ر بجهئینانا قانوونا چاكسازییان، لێ د شیان دایه ئه‌و قانوونه بهێته راستڤه كرن.
ئومێد خوشناو سه‌رۆكێ فراكسیۆنا پارتی بابه‌ته‌ك لبن ناڤێ، قانوون ئایه‌تا قورئانێ نینه و دشیان دا یه بهێته راستڤه‌كرن به‌لاڤكرییه و تێدا ره‌خنه‌یێن دژوار ل هند په‌رله‌مانتار و به‌رپرسێن بلندێن هه‌رێمێ گرتن و راگه‌هاند؛ هند كه‌س و ئالی بووینه رێگر ل هه‌مبه‌ر بجهئینانا قانوونا چاكسازییان.
دا زانین ژی: ئه‌و كه‌س و ئالییه باش دزانن ئه‌و قانوونه گه‌نده‌لییێن وان ناهێلیت و دێ پاره‌یی بۆ خه‌لكی ڤه‌گه‌رینیت، لێ گه‌ر بۆ به‌رژه‌وه‌ندییا گشتی بیت، د شیان دایه قانوونا چاكسازییان بهێته راستڤه كرن.
سه‌رۆكێ فراكسیۆنا پارتی گۆت ژی: 3 گرۆپێن نه‌رازیبوونێ ژ قانوونا چاكسازییان په‌یدابووینه، ئێك ژ وان خه‌لكه‌كێ دلسوزه و تێبینیێن وان بهایێ خوه هه‌یه، لێ هه‌ردو گرۆپێن دی یێن كه‌سێن تێكده‌ر و گه‌نده‌لن، هند ژ وان دترسن كو ئه‌و قانوونه دێ گه‌نده‌لیێن وان ژناڤبه‌ت و هند ژی بۆ كێمكرنا بهایێ وێ قانوونێ، كاردكه‌ن.
تُتاح هذه الصورة أيضا في: کوردی
