ھیومن رایتس: تورکیا سڤیلان ل عەفرینێ دکەتە ئارمانج
WAAR-دهۆك:
رێکخستنا چاڤدێرییا مافێن مرۆڤی ھیۆمن رایتس وۆچ راگەھاند؛ تورکیا د چارچووڤێ ھێرشا ل سەر عەفرینێ سڤیلان دکەتە ئارمانج.
ھیومن رایتس وۆچ راگەھاند؛ سوپایێ تورکیا نەشیایە رێکارێن پێدڤی بگریتە بەر کو سڤیل نەبنە قوربانی ھێرشێن وێ یێن سەربازی، د 3 ھێرشان دا ژی، 26 کەسێن سڤیل کوشتینە و ژ وان ھەڤدە زارۆ بوون.
لوما فەقیھـ، جێگرا رێڤەبەرێ پشکا رۆژھەلاتا ناڤین ل ھیومن رایتس وۆچ راگەھاند؛ وەلاتیێن سڤیل ل عەفرینێ ژ بەر ھێرشێن سوپایێ تورکیا تووشی ئاوارەبوونێ و کوشتنێ بووینە و گۆت: پێدڤییە تورکیا ھەموو رێکارێن پێدڤی بگریتە بەر کو سڤیل نەکەڤنە بەر ترس و کوشتنێ و پێدڤییە ھاریکاریا وان ژی بکەت و ژ دەڤەرێن شەری برەڤن.
رایتس وۆچ داخواز ژ تورکیا کر لێکۆلینان ل دۆر وان ھێرشان بکەت ئه‌وێن سڤیل تێدا ھاتینە کوشتن و ئەنجامان راگەھینیت و قوربانییان ژی قەرەبوو بکەت.
تُتاح هذه الصورة أيضا في: کوردی
