نێچیرڤان بارزانی: دخوازین پەیوەندیێن ھەرێم و فرەنسایێ بەرفرەھتر لێبھێن
WAAR-دهۆك:
سەرۆکوەزیرێن ھەرێما کوردستانێ د پەیامەکێ دا پیرۆزباھی ل دەستباکربوونا سەرۆکێ نوو یێ فرەنسایێ کرن و خواست پەیوەندیێن سیاسی و ھەڤکارییا سەربازی د ناڤبەرا ھەرێم و فرەنسایێ بەرفرەھتر لێبھێن.
نێچیرڤان بارزانی، سەرۆکوەزیرێن ھەرێمێ پەیامەکا پیرۆزباھیێ ئاراستەیی ئیمانۆێلی ماکرۆنی کر و دیار کر: ھەلبژارتنا ماکرۆنی و دەستبکاربوونا وی سەرکەفتنا ملیۆنەھان وەلاتیێن فرەنسایێ یە. ئاماژە ژی کر: سەرۆکێ نوو یێ فرنسا ژناڤبرنا تیرۆرێ ل سەرێ لیستا کارێن خوە دانایه و گۆت: ھەرێما کوردستانێ ژی نھا شەرێ تیرۆرێ دکەت و دخوازیت پەیوەندیێن سیاسی و ھەماھەنگییا سەربازی د گەل فرەنسایێ دا بەر ب پێشڤە بچن و بەرفرەھتر ل بھێن.
سەرۆکوەزیرێن ھەرێمێ بەحسا پەیوەندیێن دیرۆکی یێن د ناڤبەرا گەلێ کوردستانێ و فرەنسایێ دا و ھاریکاریێن وی وەلاتی کر و سوپاسیێن تایبەت ئاراستەی فرانسوا ئۆلاند، سەرۆکێ بەرێ کرن کو بەیوەندیێن فرەنسا د گەل ھەرێمێ دا بھێزتر لێکرن.
تُتاح هذه الصورة أيضا في: کوردی
