سكرتێرێ نه‌ته‌وه‌یێن ئێكگرتی ئه‌ڤرۆ دێ سه‌ره‌دانا هه‌ولێرێ كه‌ت
WAAR-دهۆك:
سكرتێرێ گشتی یێ نه‌ته‌وه‌یێن ئێكگرتی گه‌هشته ئیراقێ و بریاره هه‌ر ئه‌ڤرۆ سه‌ره‌دانا هه‌رێما كوردستانێ بكه‌ت و دگه‌ل سه‌رۆكێ هه‌رێمێ كۆمببیت.
پشتی سه‌ره‌دانا خوه‌یا ئوردنێ و پشكداریكرنێ د گۆپیتكا كۆمكارا عه‌ره‌بی دا، ئه‌ڤرۆ سپێدێ، ئه‌نتۆنیۆ گۆتیرێس سكرتێری گشتی یێ نه‌ته‌وه‌یێن ئێكگرتی، گه‌هشته به‌غدا یا پایته‌ختێ ئیراقێ و بریاره دگه‌ل به‌رپرسێن بلندێنن ئیراقی، شه‌ڕێ دژی تیرۆرێ و ره‌وشا مرۆڤی و ئاواره‌یان ل هه‌موو ئیراقێ به‌حس بكه‌ت.
په‌یامنێری وار ل هه‌ولێرێ راگه‌هاند؛ ئه‌ڤرۆ ئێڤاری، ئه‌نتۆنیۆ گۆتیرێس دێ گه‌هیته هه‌رێما كوردستانێ و دگه‌ل مه‌سعوود بارزانی سه‌رۆكێ هه‌رێما كوردستانێ و به‌رپرسێن بلندێن هه‌رێمێ كۆمبیت.
پشتی هه‌لبژارتنا وی ل جهێ بان كی مۆنی وه‌كو سكرتێرێ گشتی یێ نه‌ته‌وه‌یێن ئێكگرتی، ئه‌نتۆنیۆ گۆتیرێس ئێكه‌م جاره ب فه‌رمی سه‌ره‌دانا ئیراقێ و هه‌رێما كوردستانێ دكه‌ت.
تُتاح هذه الصورة أيضا في: کوردی
