عه‌زیز وه‌یسی: په‌كه‌كه ژ هه‌ر كارڤه‌دانه‌كا پێشمه‌رگه‌ی به‌رپرسه
WAAR – دهۆک:
فه‌رماندارێ فه‌رمانده‌یا هێزێن زێره‌ڤانی راگه‌هاند؛ ل دۆر هنارتنا پێشمه‌رگه‌یێن رۆژ بۆ رۆژئاڤایێ كوردستانێ، جڤاكا نێڤده‌وله‌تی ل سه‌ر هێلن و په‌كه‌كه دێ ژ هه‌ر كارڤه‌دانه‌ك و رێگرتنه‌كا دی ل هێزێن پێشمه‌رگه‌ی، به‌رپرس بیت.
لیوا عه‌زیز وه‌یسی فه‌رماندێ هێزێن زێره‌ڤانی گۆت: هێزێن پێشمه‌رگه‌یێن رۆژ كو ب باشترین ره‌نگ هاتینه مه‌شقدان، دخوازن ده‌ربازی رۆژئاڤایێ كوردستانێ ببن و به‌رگرییێ ژ ئاخا خوه بكه‌ن، لێ په‌كه‌كه بوویه رێگر و ئێدی ناهێلیت پێشمه‌رگه به‌ره‌ڤ رۆژئاڤا لڤینی بكه‌ن و داوی جار ژی، شه‌ڕ دناڤبه‌را وان دا روودا، لێ نها جڤاكا نێڤده‌وله‌تی ل سه‌ر هێلێ یه و په‌كه‌كه دێ ژ هه‌ر كارڤه‌دانه‌كا خوه به‌رپرسیار بیت.
دا زانین ژی: په‌كه‌كه ب كه‌یڤا خوه خه‌لكی د كوژن و زیندانی دكه‌ن و بووینه چاكوچێن ئالییه‌كێ ده‌ره‌كی و وێ پرۆپاكندێ دكه‌ن كو وان خوین ل شنگالێ رشتییه و ئه‌و ئاماده‌نینن به‌رده‌ن، لێ چو راستی بۆ نینه و مانا وان ل شنگالێ یا پلانكری یه.
فه‌رماندێ هێزێن زێره‌ڤانی گۆت ژی: په‌كه‌كه سڤكایه‌تییێ دكه‌ت و ب زمانێ كوردی دبێژیته ئێزدییان هین نه كوردن، د ده‌مه‌كی دا كو هه‌موو ده‌مان سه‌رۆكێ هه‌رێما كوردستانێ دبیژیت كو ئێزدی كوردێن ره‌سه‌نن.
تُتاح هذه الصورة أيضا في: کوردی
