گەنجان باوەری بخۆ نینە و بێزار دبن ژ ژیانێ
تۆار لالش یا راگەهاندنێ
ژبەر چەند هۆكارێن هەمەجۆر گەلەك گەنج هزر دچاوانیا ئاڤاكرنا كەسایەتی و ژیانا خۆ دا ناكەن یان ژی باوەری بخۆ نینە و بێزار دبن ژ ژیانێ،هەروەسا ترسیان ژ ئەنجام دانا كاران و ئینانا شكەستنێ و نەبوونا پشتەڤانیێ ب شێوەكی گشتی دبتە ئەگەر گەنج دەست ب ئەنجام دانا چ كاران نەكت.
لدۆر نە هزركرنا گەنجان دژیانێ دا(رێناس دنایی) گەنجەكی ئێزدی و قوتابیێ پشكا رۆژنامەڤانی ل پەیمانگەها دهۆكێ بۆ رۆژناما دەنگێ لالش دبێژت:گەنجێ ئێزدی پێتڤی ب پشتەڤانیێ نە داكو بكارن خۆ ئاڤا بكن بەریا هەر كەسەكی ژ مالا خۆ،ژبەركو كەسێن مەزنێن دمالێ دا خودان سەربۆرن،دیسان بێكاری ژی خالەكا گرنگە كو گەنج نكارت هزر دچاوانیا ئاڤاكرنا ژیانا خۆ دا بكت و ئەو خالە كارتێكرنێ ل دەروونێ وان دكت و ئەو قوتابیێ زانكۆ و پەیمانگەهان ب داوی دئینن و ژ ئەگەرێ نە دامەزراندنێ وەسا ل وان دكت دەست ژ ژیانێ بەردەت،ژبەركو ئەو قوتابی نكارن هەموو كارا بكن هزر دكن وێ ژئاستێ وان بێتە خوارێ ژبەر خودان باوەرنامەنە و هەموو كار ب كێر وان نائێن ،لەوا دڤێت حكومەت ژی پشتەڤانیێ ل وان گەنجا بكت و ببتە رێخوشكەر و هەول بدەن دەلیڤێن كاری بۆ گەنجان پەیدا بكن،دیسا یا گرنگە گەنجێن بێكار ژی پشكداری خۆلان ببن و ئاستێ خۆ یێ زانستی و كەسایەتی پێش بێخت،پشتی سالا(2014)ێ بتریا رێكخراوان خۆلان ڤەدكن و دەلیڤێن كاری بۆ گەنجان پەیدا دكن و گەلەك هزرێن گەنجان ژی هاتینە گهۆرین.
ژلایەكی دی ڤە(ئەیاد)گەنجەكە لدۆر هەمان بابەت بۆ رۆژناما دەنگێ لالش گۆت:هزر نەكرن دپاشەرۆژێ دا ئەڤ ئەگەرە دزڤرتە بۆ وێ چەندێ كو ئەو كەسێن هزر دپاشەرۆژا خۆدا نەكن زۆربەیا وان كەسان باوەری بخۆ نینە و هندەكێن دی ژی ژ ژیانێ بێزار دبن و ب تنێ رۆژێن خۆ دقەتینن،بتریا وان كەسێن هزر دپاشەرۆژا خۆ دا دكن كەسێن ئاسایی نە یان ژی ژ تەخا هەژارن پلانێن وان ژبۆ پاشەرۆژێ ئەون رێیێن باش و كارێن باش ئەنجام بدەن داكو پاشەرۆژا وان یا گەش و خۆش بت.
هەروەسا(رێباز ئلیاس)قوتابیێ كولیژا زانستی یە بۆ رۆژناما دەنگێ لالش خویاكر،ب دیتنا من ئەو ئاریشێن دبنە ئەگەر كو گەنج هزر د ئاڤاكرنا ژیانا خۆدا نەكت دا و نەبوونا پلانان ژبۆ ژیانا پاشەرۆژێ كا گەنجی دڤێت ب چ شێوەی ژیانا خۆ ئاڤا بكت و نەبوونا باوەریێ ل نك گەلەك گەنجان ژی بوویە ئەگەر كو هزرا پاشەرۆژێ نەئێتە كرن،دیسان ترسیان ژ ئەنجام دانا كاران و ئینانا شكەستنێ د كاران دا و نەبوونا پشتەڤانیێ ب شێوەكی گشتی دبتە ئەگەر كو گەنج دەست ب ئەنجام دانا چ كاران نەكت،هەروەسا كارتێكرنا جڤاكی ژی دبتە ئەگەر كو گەنج هزرێن بەرفرەهـ نەكت،چنكو ئەنجام دانا هندەك كاران دجڤاكی دا ب كارەك نە دورست دئێتە هژمارتن و خرابیا بارێ مادی و نەبوونا دەلیڤێن كاری ئێكە ژ ئەگەرێن مەزن چنكو گەلەك جاران هزر و پلان هەنە لێ نەبوونا دراڤی دبتە ئەگەر كو گەنج چ كاران نەكت.
تُتاح هذه الصورة أيضا في: کوردی
