ئەرێ نەخوشیا سەدەفێ یا ڤەگرە؟
نوش نيوز:
سەدەفە نەخوشیەکا پیستیە یا درێژ خایەنە کو ل پیستێ سەری یان ھندەک جاران ل پشتا گوھی، سەر چووکا و ئەژنوویا، دبیت ل ھەر جھەکێ لەشی بھێن. ب شێوێ پنیێن سوور و تیڤل گرتی و چینان دەردکەڤن. حالەت پتر ل دەڤ کەسانێن پێگەھشتی بەربەلاڤە لێ دبیت ل دەف زارۆکان ژی ھەبیت. ئەڤ نەخوشیە یا ڤەگر نینە، لێ یا بوماوەی یە دبیت ١ ژ ھەر ٣ کەسان د ناڤ خێزانێ دا بھێتێ، ئانکو ئەگەر ل ئێک ژ ئەندامێن خێزانێ یان کەسانێن نێزیک ھەبیتن.
ژ نیشانێن سەدەفێ:
پنیێن سوور یان پیڤازی و بلند بووی ل سەر پیستی.
تیڤلەکێ سپی یێ زیڤی ل سەر وان پنیان کو ب ساناھی ل دەمێ خوریانێ تیڤل رادبیت.
پیستەکێ ھشک کو دبیتە ئەگەرێ خوین ژێ ھاتنێ و رابوونا تیڤلی ل دەمێ خۆراندنێ.
خۆریانا زێدە و ھەست کرن ب سووتنا دەوروبەرێن پنیان.
ئەڤ نیشانە دبیت د جیاواز بن ژ کەسەکی بۆ ئێکی ل دویڤ جۆر و جھێ وێ .
جورێن سەدەفێ چنە؟
١. سەدەفا ئاسای: ئەڤە بەربەلاڤترین جورێ سەدەفێ یە کو پتری ٨٠% ژ نەخوشان ئەڤ جورە یە. ب شێوێ پنیێن سوور و تیڤل گرتی یێ زیڤی دەردکەڤن، پتر ل پیستێ سەری، سەر ئەژنوو و چوکان و نینوکان دیاردبن.
٢. سەدەفا ب شێوێ دلۆپان: ئەڤ جورە ب شێوێ دلوپێن بچووک یێن پیڤازی، ل ملان، لنگان و پشتێ دیاردبن. ئەڤە وەک جورێ ئێکێ گەلەک د ستوویر و بلند بووی نینن.
٣. سەدەفا ب شێوێ خروکێن سپی یێن ب کێم: ئەڤ جورە دبیتە ئەگەرێ دەرکەفتنا پرسکێن سپی یێن کێم گرتی و سووربوونا دەوروبەرا. دبیت ئەڤە ل جھێن بچووک وەک دەست و پێیان دەست پێ بکەت و پاشی ل ھەمی لەشی بەلاڤ ببیت.
٤. سەدەفا ھەڤدژ: ئەڤ جورە ب شێوێ چینەکا سوور، ل جھێن وەک بن ملان، بن سینگی، ل کوماخێ و نێزیکی ئەندامێ زاوزێ دەردکەڤیت.
5. سەدەفا ب شێوێ سوورکا: ئەڤ جورە ب ئێک جاری ل پتریا بەشێن لەشی بەلاڤ دبیت و جورەکێ گەلەکێ کێمە. پیست ب شێوەکێ وەکی سووتنا بەر ھەتاڤێ دەردکەڤیت. دبیت کەسێ توشبوو گەلەک نەخوش ببیت و تا بھێتێ.
ئەگەر چنە؟
ئەگەرێ سەرەکی یێ نەخوشیێ ھێشتا یێ نەدیارە، لێ ل دویڤ چەندین ڤەکولینێن ھاتینە کرن، وان دیارکر کو جینات ئانکو ڤەگوھاستن ژ ئەندامێن خێزانێ، دیسان سیستەمێ بەرەڤانی یا لەشی ژ دوو ئەگەرێن سەرەکی نە.
چارەسەری:
چارەسەرکرنا ڤێ نەخوشیێ دبیت یا ب زەحمەت بیت و تو نەشێی ب شێوەکێ تمامی دوماھیێ پێ بینی، لێ تو دشێی ل دەمێ دەرکەتنا نیشانان زوی چارەسەریێن پزیشکی وەرگری و ب شێوەکێ بەردەوام بۆ کێم کرنا ئازارێ. دیسان ھەڤسەنگی د شێوازێ ژیانا تە دا و بەرچاڤ وەرگرتنا ھندەک رێکان دێ د ھاریکار بن بۆ کێمکرنا مەترسیا زێدەبوون و بلندبوونا نیشانێن سەدەفێ: وەکی کێمکرنا فشارێ (سترێس)، چاڤدانا پیستێ خۆ، دوورکەتن ژ جگارکێشانێ، خوارنەکا ساخلەم و پاراستنا پاقژیێ، دوورکەتن ژ سابۆن و مادێن کیمیای یێن جوانکاریێ، گەلەک نە خۆرینە تا رادێ کو خوین ژێ بھێت.
تُتاح هذه الصورة أيضا في: کوردی
