ئەكتەرەكی باكوورێ كوردستانێ:بڤی شێوەی سینەما كوردی نائێتە گهۆرین
تۆرا لالش یا راگەهاندنێ
ئەكتەرەكی باكوورێ كوردستانێ راگەهاند،پێتڤیە سینەما كوردی مژارێن جودا نیشان بدەت و هەموو جۆرێن فلمان پەخش بكت،زێدەباری گرنگی ب لایێ خۆشی ژی بێتە دان و كەسێن دسینەما كوردی دا دبینم هەر ئەون و بڤی شێوەی بت سینەما نائێتە گهۆرین.
ئەكتەرێ باكوورێ كوردستانێ(شێخو _شێخموس) د دیدارەكێ دا بۆ رۆژناما دەنگێ لالش راگەهاند، ناڤێ من یێ دروست (رەحیم قوسەری) یە ل مێردینا باكوورێ كوردستانێ ل دەڤەرا قوسەری ژ دایك بوویمە و نهۆ ل باژێرێ ئەستنبولێ دژیم،ل سالا(2000)ێ دەست ب كاروبارێن تلڤزیۆنی و ئەكتەری كریە و گەلەك حەز لسەر فلمان هەبوو،من دیت یا پێتڤیە ب رێیا سینەمایێ و شێوازێ كۆمێدی گرنژینێ بێخمە سەر لێڤێن خەلكەكی و ل سالا(2010)ێ وەكو ئەكتەر پشكداری د فلمێ جیران جیران دا كر پێنج سالان چێكرنا وی فلمی ڤەكێشا و بەردەوام بوو ب زمانێ كوردی زاراڤێ كورمانجی لسەر شاشا كەنالێ( TRT Kurdî )دهاتە پەخشكرن و بتریا زنجیرێن وی فلمی تێدا پشكدارم،رۆلەكی بەرچاڤ تێدا گێرا،هەروەسا ژبلی فلمێ جیران جیران پشكداری د چەندین فلمێن توركی و كورتە فلمێن كوردی دا كریە.
هەروەسا گۆت:پێتڤیە سینەما كوردی مژارێن جودا ژی نیشان بدەت و هەموو جۆرێن فلمان پەخش بكت داكو بتر بەرچاڤ ببت و پێش بكەڤت و ئاستەنگێن ل پێشیا سینەمایێ دا هەین بێنە راكرن،ل بتریا سینەمایێن كوردی دا ب گشتی بتر ئێش و گری و كوشتن و كۆچبەری تێدا یا دیارە راستە گەلەك ئێش و ئازارێن كوردان هەنە،لێ خۆشی ژی هەیە و عەشق ژی هەیە بلا گرنگی ب لایێ خۆشی ژی بێتە دان و ئەو ئەكتەرێن د سینەما كوردی دا دبینم هەردەم هەر ئەون نائێنە گهۆرین ما چوو كەسێن دی ئەكتەر و حەژێكرێن ئەكتەریێ نینن بێن پشكداریێ د سینەمایێ دا بكن،ل ڤێدەرێ سینەما وەسا نائێتە گهۆرین و كەنالێن كوردی ژی گەلەك گرنگیێ ب فلمێن كوردی نادەن.
ناڤهاتی خویاكر،گەلەك حەز ژ كارێ ئەكتەریێ دكەم لێ هەتا نهۆ ژی خۆ وەكو ئەكتەر نابینم بتنێ وەكو حەژێكرێ ئەكتەریێ و ژ بتریا بەهرەیێن هۆنەری حەز لێ دكەم ب تایبەت فلم و شانۆیا،هەروەسا من دڤێت خۆ نێزیكی نڤیسینا هەلبەستێ ژی بكەم و هەتا نهۆ دوو پەرتۆك ب ناڤێ(كوردێ _ زولفویار) چاپكرینە.
تُتاح هذه الصورة أيضا في: کوردی
