فلمێ پێشمه‌رگه دێ ل كۆنگرێسێ ئه‌مریكا هێته نیشان دان
WAAR-دهۆك:
بریاره فلمێ پێشمه‌رگه ژ ده‌رهێنانا ده‌رهێنه‌رێ ناسیارێ فره‌نسی (برنار هنری لیڤی) ل كۆنگرێسێ ئه‌مریكا بهێته نیشان دا.
بریاره ل ده‌مژمێر حه‌فتێ ئێڤارییا رۆژا شه‌شی ئادارا ئه‌ڤ ساله فلمێ پێشمه‌رگه ل ناڤا سه‌نته‌رێ مێهڤانان یێ كۆنگرێسێ ئه‌مریكا ب به‌رهه‌ڤبوونا چه‌ندین كۆنگرێسمان و سیناتۆرێن ئه‌مریكا بهێته پێشكێشكرن.
لگۆره‌یی داخوازنامه‌یێ كو ب ناڤێ سیناتۆر رۆجێر ویكه‌ر و كۆنگرێسمان رالف ئه‌براهام و نوونه‌راتییا هه‌رێما كوردستانی ل واشنتۆن هاتینه شاندن و تێدا داخوازا به‌رهه‌ڤبوونێ كریه بۆ دیتنا فلمێ دیكیۆمێنتاریێ پێشمه‌رگه.
فلمێ پێشمه‌رگه به‌حس ل قاره‌مانییا پێشمه‌رگه‌ی د شه‌رێ دژی داعشێ دا دكه‌ت و به‌ریا نها ل رۆژا 28ێ چریا دوێ یا سالا بۆری ل باره‌گایێ نه‌ته‌وه‌یێن ئێكگرتی ب به‌رهه‌ڤبوونا چه‌ندین دپلۆماتكارێن به‌رنیاسێن جیهانی هاتبوو نیشاندان.
تُتاح هذه الصورة أيضا في: کوردی
