بەری مرنێ
قاسم لەوەندی
بەری مرنێ من دڤیا تە كەیف خۆش ببینم دایكا من
كانێ تەوتلیلیێن تە بسەرمن دا بهێن لڕۆژا داوەتا من
تو ل رەخ من رونی وپیرۆزبكی شەهیانە من
دوعایا بكەی وژیانەك خۆەش داخواز بكەی ژبوی من
لێ چ بكەم توچوی دایێ وتەسورەت وخەیال هێلاینە ژبوی خەوونێت من
یارەبی گونەهێ من چ بوو تە ژمن دووركر دایكا من
بلا تەچاڤێن من كورا كربان ودایكا من دیتبا داوەتا من
خودایێ من بۆچی تاری بوو ژیانا من
كول وكۆڤان بوون بارا من
رۆژەك خۆشی نەهات پێشیا من
تە ب نیڤی كربا عەمرێ من ژبۆ من ودایكا من
دا ئەز ودایكا خۆ ب هەڤرا مربانا وچۆبان دنیایا دن
دگۆتە من دێ تەبینم لناڤا دیلانێ دا
خەملا وەكا یا تە نەبێ دجیهانێ دا
خەلك وعالەم تەڤ بئاخڤن ژبەر جوانیاتە
لێ چ بكەم دایكا من لشەڤەك تاری وبێ دەنگدا
تە خاترێ‌خۆ ژمەخوەست ودەستێ خۆ لدەریێ مرنێ دا
دایكا من رونیا هەردووچاڤێت من
ئەگەر چ بوو توو چوی ژبا من
من تێر سەرێ خۆ دانانی بوو سەرچۆكاتە
من هێش قەنج هلنەگرتبون شیرەتێن تە
من دگۆت هەتا ساخ بم دێ مینم لباتە
لێ قەدەرامە وەهات ودووركەتی وئەزدكم بێریاتە
دایكا من شەڤەك نامینێ كو ئەز تەدخەونا خۆدا نەبینم
خۆ دهەمبێزا تەدا دنڤینم لخەونێدا ئەز دلخۆش دمینم
لێ زوو ئەز ژوێ خەونێ هشیار دبم ودیسا دلشكەستی دمینم
خودایێ من
چما تەئەڤ ئانی سەرێ من
تە ژمن دوركر دایكا من
خەون وخەیال هێلان بۆ من
هێش من قەنج دنیا فێم نەكری
تە ژیانا من یا مای ڕەشكر لپێش چاڤێت من
بلا وەكی هەر مرۆڤەكی دایكا من خۆشی دیتبان
نە بجوانی خاتر خوەستبان
دایكا من ئەزێ چاوا تە ژبیركەم
ئەز ژبیرناكم دەما تەگۆتی لتەخۆش حلالبێ
شیرێ من توو پێ مەزنكری وتەخاترخوەستی
تە 9 مەها ئەز بخوون وگۆشتێ خۆ خودانكرم
وسالەكێ بشیرێ خۆراكرم
هەتا ساخبم ژبیرناكەم
بهەلبەستا بهۆزانا چەندی پەسنێ تە ئەز بدەم
هەرقەنجیا تە وندا ناكەم
دایكا من هەزار رەحم ژرەحمێت خودێ لسەر تەبن
هەزار رەحم ژرەحمێت خودێ لسەر تەبن
تُتاح هذه الصورة أيضا في: کوردی
