دئەڤ سالەدە پرۆژێن مەزن یێن هەین
تۆرا لالش یا راگەهاندنێ
دەرهێنەر و كامیرەڤانێ ئێزدی”راجیف غاندی”نۆكە ل وەلاتێ ئەلمانیا دژیت،دكورتە دیدارەكێ دا بۆ رۆژناما دەنگێ لالش خویاكر:” كارێ هۆنەری یێ كامیرەڤانیێ ب تایبەتی ژیانا منە و دسالا 2017ێ دا پرۆژێن مەزن یێن هەین و دەرهێنەریا كلیپێن چەندین هۆنەرمەندێن ئێزدی و كورد ل ڤی وەلاتی كریە”.
هەروەسا “راجف غاندی”دیاركر:”ل سالا 2008ێ دگەل بابێ خۆ یێ خودانێ (رۆژ كۆمپانی) چوومە كارێ كامیرەڤانیێ ل داوەتان كارێ مە وی دەمی ل كوردستانێ پتر یێ داوەتان بوو،هەروەسا ل بەردەستێ بابێ خۆ فێری كارێ دەرهێنەریێ و كامیرەڤانیێ بوویمە و كارێ هۆنەری یێ كامیرەڤانیێ ب تایبەتی ژیانا منە و ب شەڤ و رۆژ ڤی كاری دكەم و گەلەك حەژ كارێ خو دكەم ،دئەڤ سالەدە پرۆژێن مەزن مە یێن هەین و دەرهێنەریا كلیپێن چەندین هۆنەرمەندێن ئێزدی و كورد ل وەلاتێ ئەلمانیا من كریە”.
زێدەتر گۆت:”بەری دوو سالان چوومە قوتابخانەكا دەرهێنەریێ و كامیرەڤانیێ یە و دوو سالان من خووند وپاش باوەرنامە ستاند و دوان سالان دا من دەست ب كارێ چێكرنا كلیپان كر و ل سەر ڤی كاری بەردەوامم،ل چەند وەلاتێن دی یێن ئەوروپا ژی كارێ خۆ دكەین و خزمەتا مللەتێ خۆ دكەین،ئاماژەكر كو ئەو كۆنسێرتێن هۆنەرمەندێن كورد ل ئەلمانیا دگێرن وێنە دكەم و لێ بەرهەڤ دبم”.
ژلایەكێ دیڤە تەكەزكر كو تشتێ ژمن و كۆمپانیا مە یا رۆژ بێت دێ خزمەتا مللەتێ خۆ یێ ئێزدی و كورد كەین.
تُتاح هذه الصورة أيضا في: کوردی
