خۆبەخشانە خزمەتا خەلكێ خۆ دكت
تۆرا لالش یا راگەهاندنێ
موزیكژەن”هۆگر هەسكانی” خەلكێ قەزا شنگالێ یە و نۆكە ئاوارەیە ل كۆمەلگەها شاریا،هەتا نۆكە كۆمەكا كلیپێن موزیكێ د یوتوبی دە ل سەرناڤێ خۆ بەلاڤكرینە و دبێژت:”هەردەمێ كلیپەكێ دروست دكەم ل سەر كیستێ من بوویە و پشتەڤانی نینە،هەروەسان وەكی موزیك ژەنەكێ خۆبەخش خزمەتا خەلكێ خۆ دكەم”.
ل دۆر كارێ خۆ”هەسكانی”بۆ رۆژناما دەنگێ لالش دیاركر:”ماوێ پێنج سالایە ئامیرێ موزیكێ ئۆرگێ دژەنم،دەما ئەز زارۆك مامێ من ئامیرێ موزیكێ ئۆرگ لێددا فێربوونا وی ئامیری كەفتە دلێ من و بەردەوام من ژی سەرەدانا نڤیسنگەها مامێ خۆ یا موزیكێ دكر،ل نڤیسنگەها وی فێری وی ئامیرەیی بووم،هەروەسا مامۆستا و موزیكژەن (ئیڤان عادل) هاریكاری و پشتەڤانیا من كریە د فێربوونا ئۆرگێ دا و و هەڤال دۆستان ژی پشتەڤانیا من كرییە، نۆكە ژی وەك موزیك ژەنەكێ خۆبەخش خزمەتا خەلكێ خۆ دكەم”.
ناڤبری زێدەتر گۆت:”ئەز نەهۆنەرمەندم لێ ژ گۆتنا سترانێ پر حەزدكەم و من كلیپەك د تۆرا چڤاكیا ئەنتەنێتی دا بەلاڤكریە بناڤێ (هەبوونا من) كو ژلایێ بنگەهێ لالش ل سنوونێ ڤە پشتەڤانی و هاریكاریا من هاتبوو كرن،هەروەسا كۆمەكا كلیپێن موزیكێ د یوتوبی دە ل سەرناڤێ خۆ من بەلاڤكرینە و هەردەمێ كلیپەكێ دروست دكەم ل سەر كیستێ من بوویە و پشتەڤانی نینە،دیسان پشتی كارەساتا شنگالێ ل 3/8/1014ێ من كلیپەك بناڤێ(كانی شنگال)چێكر”.
ل داویێ ژی گۆت:”ژبلی ئامیرێ ئۆرگێ دێ هەولدەم كەمانێ ژی بكەمە هەڤالێ خۆ ،هیڤیا من ئەوە ل پەیمانگەها هۆنەرێن جوان پشكا موزیكێ بێمە وەرگرتن”.
تُتاح هذه الصورة أيضا في: کوردی
