جڤاتا شنگال: گەندەلیا ئیداری و دارایی ل شنگال دەستپێكریە
باسنيوز:
سەرۆكێ جڤاتا قەزا شنگال دیار كر كو نۆكە دناڤ شنگالدا بتنێ گەندەلیا ئیداری و دارایی ل شنگال هەیە. ئەو رێكخراوێن چنە شنگال ژی رێژەكا پارە دانە لایەنێن نە قانوونی و دەستۆری هەتا دشێن ل شنگال شۆل بكەن.
وەیس نایف، سەرۆكێ جڤاتا قەزا شنگال بۆ (باسنیوز) دیار كر: “نۆكە دناڤ شنگالدا هیچ تشتەك دبەرژوەندیا شنگال دا نەهێتە كرن بەلكو هەر تشتەكێ ل شنگال دهێتە كرن هندەك كەسێن دەست نیشانكری بۆ بەرژوەندیا خوە دكەن. وان ئاگەه ژ جینوساید و خەلكێ لێقەومایێ شنگال نینە. نۆكە ل شنگال گەندەلیا ئیداری و دارایێ زۆر بوویە ئەڤە ژی هیچ خزمەتێ بۆ خەلكێ شنگال ناكەن. دێ ویرانكاری خرابتر كەت ل قەزا شنگال”.
خویا ژی كر: “ئەو رێكخراوێن چنە شنگال ژی نەشێن سەربەخۆ كاربكەن رێژەكا پارێ ژوان رێكخراوان دهێتە وەرگرتن بۆ رێك پێ دهێتە دان شۆل بكەن. هەموو بوویە گەندەلی دناڤ شنگالێدا”.
ئاشكەرا كر كو: “ئیدارا شەرعی یا شنگال ل ناحیا فەیدیێ خزمەتا خەلكێ شنگال دكەت و چاڤەرێ حكومەتا هەرێما كوردستانێ و حكومەتا بەغدا دكەت بۆ زڤرینا شنگال”.
تُتاح هذه الصورة أيضا في: کوردی
