“بنگه‌هێ لالش و مالا ئێزديا ل ئه‌لمانيا ره‌وشا ئێزديان گه‌نگه‌شه‌كرن”
تۆرا لالش يا راگه‌هاندنێ/ئه‌لمانيا
بنگه‌هێ لالش و مالا ئێزديا ل باژێرێ ئۆلدنبۆرك ل وه‌لاتێ ئه‌لمانيا ره‌وشا ئێزديان ل وه‌لاتى و ده‌رڤه گۆتۆبێژكرن.
به‌رێز”سلێمان فانۆ” به‌رپرسێ بنگه‌هێ لالش تايێ سنوونێ،ئيرۆ 25ى ته‌مووزا 2019ێ سه‌ره‌دانا مالا ئێزديا ل باژێرێ ئۆلدنبۆرك ل وه‌لاتێ ئه‌لمانيا كر و ژبال به‌رێز “شه‌هاب داغط به‌رپرسێ مالێ ڤه هاته پێشوازيكرن.
دهه‌ڤديتنێ دا هه‌ردوو لايان كۆمه‌كا پرسان گرێدايى كاروبارێن وان و ئێزديان ل وه‌لات و ژ ده‌رڤه گه‌نگه‌شه‌كرن.
به‌رپرسێ بنگه‌هێ لالش تايێ سنوونێ سلاڤێن به‌رێز “شێخ شامۆ” سه‌رۆكێ ده‌سته‌يا بلندا بنگه‌هێ لالش گه‌هاندنه به‌رپرسێ مالا ئێزديا و ده‌سته‌كا رێڤه‌به‌ر و داخوازا خورتكرنا هه‌ماهه‌نگيێ ژبۆ ئاڤاكرنا پران دناڤبه‌را هه‌ردوو لايان دا كر.
ژبال خۆڤه به‌رپرسێ مالا ئێزديا سوپاسيا بنگه‌هێ لالش كر بۆ بزاڤ و چالاكيێن دگێرن بۆ خزمه‌تكرنا خه‌لكێ خۆ.
تُتاح هذه الصورة أيضا في: کوردی
