بنگه‌هێ لالش هايدارى ره‌وشا قوتابيێن ئێزدى ل په‌يمانگه‌ها ئاكرێ دبت
تۆرا لالش يا راگه‌هاندنێ/دهۆك
ئيرۆ شه‌مبوويێ 17ى تشرينا دووێ،شانده‌كى ده‌سته‌يا بلندا بنگه‌هێ لاش يێ ره‌وشه‌نبيرى و كۆمه‌لايه‌تى ل دهۆكێ،سه‌ره‌دانا په‌يمانگه‌ها ته‌كنيكى ل قه‌زا ئاكرێ كر،بۆ هايداربوون لسه‌ر ره‌وشا قوتابيێن ئێزدى ل په‌يمانگه‌هێ و پێشكێشكرنا هاريكاريان بۆ قوتابيان.
ل به‌راهيێ به‌رێز”خشۆ ميرزا”نوونه‌رێ به‌رێز “شێخ شامۆ” سه‌رۆكێ ده‌سته‌يا بلندا بنگه‌هێ لالش په‌يڤا بخێر ئانينێ پێشكێشكر و دووپاتكر:” كو بنگه‌هێ لالش پشته‌ڤانى كريه و دێ پشته‌ڤانيا قوتابيان كت ل پێ شيانێن لبه‌رده‌ست هه‌ين و پشته‌ڤانيا ڤێ ته‌خێ ژ ئارمانجێن بنگه‌هى يه”.
ژلايه‌كى دى ڤه به‌رێز “جه‌عفه‌ر سمۆ” به‌رپرسێ راگه‌هاندنا بنگه‌هێ لالش سوپاسيا ئێكه‌تيا قوتابيێن كوردستانێ تايێ ئاكرێ كر بۆ ئاماده‌بوونێ و دووپاتكر:”قوتابيێن ئێزدى نموونا زانين و سه‌ركه‌فتنێ نه ل زانكۆ و په‌يمانگه‌هان و جڤاكێ ئێزدى شانازيێ بڤى سيمايى دبه‌ت”.
هه‌روه‌سا شاندى سه‌ره‌دانا په‌يمانگه‌ها شێخان كر بۆ هايداربوون لسه‌ر ره‌وشا قوتابيان و لگه‌ل ژماره‌كا قوتابيێن ئێزدى كۆمبوو يێن ل ده‌ڤه‌را به‌رده‌ره‌ش ده‌وامێ دكن.
تُتاح هذه الصورة أيضا في: کوردی
